سول سوسائٹی نیٹ ورک نے 50 ہزار پودوں کی مفت تقسیم کا ہدف مکمل کر لیا

بورے والا(چوہدری اصغر علی جاوید سے)سول سوسائٹی نیٹ ورک نے (50) ہزار پودوں کی مفت تقسیم کا ہدف مکمل کر لیا،ایک سال کے دوران (ڈیڑھ لاکھ) پودے عوام میں مفت تقسیم کرنے کا اعزاز بھی حاصل کر لیا،تفصیلات کے مطابق ملک کو سرسبز و شاداب بنانے کے حکومتی ویژن کو بورے والا کی سول سوسائٹی نے ایک مشن بنا لیا تیسری شجر کاری مہم کے آخری روز مزید (3) ہزار پودے شہریوں میں مفت تقسیم کر کے (50) ہزار پودوں کی تقسیم کا ہدف مکمل کر لیا جبکہ ایک سال کے دوران ڈیڑھ لاکھ پودے شہریوں میں مفت تقسیم کر کے ایک ریکارڈ قائم کر دیا سول سوسائٹی کے زیر اہتمام کالج روڈ پر لگائے گئے مفت پودوں کی تقسیم کے سٹالز پر پودوں کے حصول کیلئے شہریوں کا غیر معمولی رش رہا کیمپ کا افتتاح اسسٹنٹ کمشنر رانا اورنگزیب،ایم پی اے سردار خالد محمود ڈوگر اور پیٹرن انچیف شیخ شہزاد مبین نے کیا خواتین اور مردوں کیلئے لگائے گئے سٹالز پر شہریوں میں مفت پودے تقسیم کئے اس موقع پر چیف آفیسر بلدیہ راﺅ محمد علی،پی ٹی آئی کے سینئر راہنما ملک فاروق احمد اعوان،پرنسپل گورنمنٹ کالج پروفیسر خوشی محمد شہزاد،پرنسپل پنجاب کالج پروفیسر مجید اکبر،صدر بار ملک فرقان یوسف،جنرل سیکرٹری چوہدری خرم ریاض،کنونیئر سول سول سوسائٹی عبدالرﺅف چوہدری،ڈپٹی کنونیئر چوہدری اصغر علی جاوید،ممبران سول سوسائٹی زاہد حسین مشہدی،صائمہ بتول،کرامت علی شکیل،حافظ جنید احمد،محمد شیر خاں کھچی،مسعود عابد،ندیم بھٹی،کاشف اقبال چوہدری،چیئرمین پریس کلب اصغر علی جاوید،چوہدری اکرام الحق،صدر “ایمرا” ندیم انجم سندھو،ممبر بورڈ آف گورنر بورے والا جمخانہ چوہدری احتشام داﺅد،ضلعی صدر مسلم لیگ(ن) یوتھ ونگ منظور برکت ماڑی والا،خالد خان،شیخ شاہ رخ،چوہدری قیصر اور دیگر نمائندہ شخصیات بھی موجود تھیں تقریب سے خطاب کرتے ہوئے اسسٹنٹ کمشنر رانا اورنگزیب،ایم پی اے سردار خالد محمود ڈوگر،شیخ شہزاد مبین،ملک فرقان یوسف اور ملک فاروق اعوان نے کہا کہ بورے والا کی سول سوسائٹی کا کردار سماجی حوالے سے قابل ستائش ہے پودوں کی مفت تقسیم سے بورے والا کو سرسبز بنانے کیلئے سول سوسائٹی نے بہت اہم کردار ادا کیا ہے ہم نے ملک کے چپے چپے پر نئے پودے لگا کر اس ملک کو سرسبز بنانا ہے تاکہ ملک سے ماحولیاتی آلودگی ختم ہوسکے اور آئندہ نسلوں کو ایک صحت مند ماحول فراہم کیا جاسکے۔