محرم الحرام کے راستوں میں سیکورٹی کے سخت انتظامات کیے گئے ہیں۔عرفان کاٹھیا،ثاقب سلطان

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے ڈسٹرکٹ پولیس آفیسر ثاقب سلطان المحمود کے ہمراہ رات گئے مرکزی امام بارگاہ حسینیہ ایچ بلاک بورے والا کا دورہ کیا ڈپٹی کمشنر اور ڈی پی او نے بورے واالا میں مرکزی امام بارہ گاہ کا معائنہ کیا اور انہوں نے محرم الحرام کے انتظامات کا جائزہ لیا ڈپٹی کمشنر عرفان علی کاٹھیا اور ڈسٹرکٹ پولیس آفیسر ثاقب سلطان المحمود نے مرکزی امام بارگاہ کے کنٹرول روم کا معائنہ بھی کیا ڈپٹی کمشنر وہاڑی عرفان علی کاٹھیا نے کہا کہ محرم الحرام کے راستوں پر صفائی ستھرائی کا خصوصی انتظام کیا گیا ہے مجالس اور جلوسوں کے راستوں پر پانی کا چھڑکاﺅ کیا جا رہا ہے جلوسوں کے راستے میں آنے والی بجلی کی تاروں اور تجاوزات کا خاتمہ کیا گیا ہے مجالس کی سی سی ٹی وی کیمروں سے مکمل نگرانی کی جا رہی ہے ڈسٹرکٹ پولیس آفیسر ثاقب سلطان المحمود نے کہا کہ محرم الحرام میں سیکورٹی کے فول پروف اقدامات کیے جا رہے ہیں مجالس میں داخلی اور خارجی راستوں پر خار دار تاریں لگائی گئی ہیں مجالس میں شرکت کے لیے آنے والے تمام افراد کی جامع تلاشی لی جائے گی اس موقع پر اسسٹنٹ کمشنر رانا اورنگزیب خاں،اے ایس پی آصف رضا،سی او بلدیہ راﺅ محمد علی اور امن کمیٹی کے ممبران ملک فاروق اعوان،طارق محمود باجوہ،محمد جمیل بھٹی،منظور برکت ماڑی والا اور چاچا محمد اسلم بھی موجود تھے۔