عمران خان واحد سیاستدان ہیں جن کے دامن پر کرپشن کا کوئی داغ نہ ہے۔اعجاز بندیشہ

بورے والا(چوہدری اصغر علی جاوید سے)تحریک انصاف کے راہنما ممبر پنجاب اسمبلی چوہدری اعجاز سلطان بندیشہ نے کہا ہے کہ پنجاب حکومت عمران خان کے ویژن کے مطابق وزیر اعلیٰ عثمان بزدار کی قیادت میں صوبے میں مثالی ترقی اور عوام کو امن و امان کی فراہمی کے لیے کوشاں ہے اور جنوبی پنجاب کے عوام کی محرومیوں کے خاتمہ کے لیے رواں مالی سال کے بجٹ میں اربوں روپے مختص کئے گئے ہیں،ان خیالات کا اظہار انہوں نے بورے والا پریس کلب کے دورہ کے موقع پر میڈیا سے غیر رسمی گفتگو کرتے ہوئے کیا انہوں نے مزید کہا کہ عمران خان واحد سیاستدان ہیں جن کے دامن پر کرپشن کا کوئی داغ نہ ہے یہی وجہ ہے کہ عالمی برادری ہماری معیشت کو سنبھالا دینے کے لیے اربوں ڈالر پاکستان کو دے رہی ہے ملک سے کرپشن کے خاتمہ کے لیے تحریک انصاف سمیت تمام سیاستدانوں کا بلا امتیاز احتساب جاری ہے قومی خزانہ لوٹنے والوں سے کوئی نرمی اختیار نہیں ہو گی انہوں نے بتایا کہ پنجاب حکومت نے میرے حلقہ میں (23) کروڈ کی لاگت سے چک نمبر (563) ای بی میں سالڈ ویسٹ مینجمنٹ پاور پلانٹ کا منصوبہ شروع کیا ہے جس کا سنگ بنیاد ایک ماہ قبل صوبائی وزیر توانائی ڈاکٹر اختر ملک نے خود کیا اس منصوبے پر (25) فیصد کام مکمل ہو چکا ہے صوبائی حکومت نے میرے حلقہ میں ساڑھے (8) کلومیٹر پختہ سڑکوں جبکہ ملتان سے دیپالپور براستہ وہاڑی،بورے والا اور عارف والا میگا پروجیکٹ دو رویہ سڑک کی تعمیر کی منظوری بھی دیدی ہے جس کے لیے جلد فنڈز بھی فراہم کئے جائیں گے چوہدری اعجاز سلطان بندیشہ نے مزید کہا کہ ان کے حلقہ موضع دولت آباد میں ٹف ٹائل اور نکاسی آب کے علاوہ حلقہ کے مختلف دیہات میں عوام کو پینے کے پانی کی فراہمی کے لیے (7) فلٹریشن پلانٹ لگائے جا رہے ہیں مزید برآں موضع لڈن میں گرلز او بوائز کی اعلیٰ تعلیم کے لیے وزیر اعلیٰ پنجاب نے (2) نئے کالجز کے قیام کے علاوہ (20) سکولوں کی اپ گریڈیشن کی بھی منظوری دے دی ہے انہوں نے بتایا کہ صحت کی سہولتوں کے لیے حکومت نے حلقہ میں (2) آر ایچ سی اور امن و امان کی بہتری کے لیے سب سے بڑے پولیس اسٹیشن لڈن کو تقسیم کر کے اڈہ جھال سیال پر ایک نئے پولیس اسٹیشن کے قیام کی بھی منظوری دے دی ہے جبکہ جن تھانوں کی عمارتیں خستہ ہو چکی ہیں (27) کروڑ کی لاگت سے تھانوں کی نئی عمارتیں تعمیر کی جائیں گی انہوں نے بتایا کہ وہ کمیشن مافیا کے سخت خلاف ہیں میرا دامن بالکل صاف ہے ترقیاتی منصوبوں سے کمیشن مافیا کے سخت خلاف ہیں میرا دامن بالکل صاف ہے ترقیاتی منصوبوں سے کمیشن لینا لعنت ہے میں نے اس کا خاتمہ کیا ہے انہوں نے میعاری،مثبت،تعمیری اور ذمہ دارانہ صحافت کرنے پر بورے والا پریس کلب کے صحافیوں کو خراج تحسین پیش کیا اور اپنے بھرپور تعاون کی یقین دہانی کروائی۔