الجنت ٹاﺅن میں ماں کے سامنے مخالفین کی فائرنگ سے ایک بیٹا جان بحق دوسرا شدید زخمی
بورے والا(چوہدری اصغر علی جاوید سے)الجنت ٹاﺅن میں مقدمہ بازی کی رنجش پر ماں کے سامنے مخالفین کی فائرنگ سے ایک بھائی جان بحق دوسرا شدید زخمی،طلباء تنظیم کے کارکنان اور ورثاء کا نعش ملتان روڈ پر رکھ کر احتجاج مظاہرہ،ٹریفک کئی گھنٹے تک معطل،مشتعل مظاہرین نے فرید ایکسپریس ٹرین بھی روک دی،ملزمان موقع سے فرار ہو گئے،پولیس نے چھ ملزمان کے خلاف مقدمہ درج کر لیا،تفصیلات کے مطابق آج صبح سویرے تھانہ سٹی بورے والا کی حدود میں واقع الجنت کالونی کینال روڈ پر نواحی آبادی یعقوب آباد کے رہائشی دو حقیقی بھائیوں رحمان اشرف اور نعیب اشرف پر انکی ماں کے سامنے چھ مسلح موٹرسائیکل سواروں نے اندھا دھند فائرنگ کر دی جس سے رحمان موقع پر ہی دم توڑ گیا جبکہ نعیب شدید زخمی ہو گیا بے بس ماں ملزمان کے آگے اپنے بیٹوں کی جان کے امان کیلئے واسطے دیتی رہی لیکن ملزمان نے اس کی ایک نہ سنی اور فائرنگ کر کے فرار ہو گئے اطلاع ملتے ہی ریسکیو(1122) نے دونوں کو تحصیل ہیڈ کوارٹر ہسپتال منتقل کر دیا جبکہ جاں بحق ہونے والے اور زخمی نوجوان کے ساتھیوں طلباء تنظیم اے ٹی آئی کے کارکنان نے ورثاء کے ہمراہ اس واقعہ کے خلاف ملتان روڈ کو پی آئی لنک سے بلاک کر کے قومی شاہرہ پر ٹریفک معطل کر دی انکا مطالبہ تھا کہ ملزمان جو کہ پہلے ہی شہر کیلئے خوف کی علامت بنے ہوئے تھے اور انکے خلاف قتل،دہشت گردی اور اقدام قتل جیسی سنگین دفعات کے تحت مقدمات درج ہیں لیکن پولیس ابھی تک انہیں کیفر کردار تک نہیں پہنچا سکی ملزمان کو بااثر سیاسی شخصیات کی مکمل پشت پناہی حاصل ہے جسکی وجہ سے پولیس ان پر اور انکے سہولت کاروں پر ہاتھ نہیں ڈالتی مشتعل مظاہرین نے اس دوران لاہور سے کراچی جانیوالی فرید ایکسپریس ٹرین کو بھی روک لیا جو بعدازاں انتظامیہ کی طرف سے ملزمان کی جلد گرفتاری کی یقین دہانی پر مظاہرین نے ٹرین کا ٹریک اور ٹریفک بھی کھول دی تھانہ سٹی پولیس نے زخمی نعیب اشرف کی درخواست پر ایم ایس ایف کے مقامی صدر اسد ڈوگر اسکے ساتھی وسیم اکرم گجر اور چار نامعلوم افراد کے خلاف مقدمہ درج کر لیا گیا۔
About Author
