بورے والا سے وہاڑی تک ڈبل روڈ کی تعمیر کا منصوبہ جلد شروع ہو جائے گا۔عرفان علی کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ شہر میں تجاوزات کے خاتمہ کیلئے خصوصی سکواڈ تشکیل دے کر پولیس کی مدد سے عملددرآمد یقینی بنایا جائے،شہر کی سٹریٹ لائٹس،سڑکوں کی مرمت،نکاسی آب اور صفائی کی صورتحال کو بہتر بنانے کیلئے میونسپل کمیٹی،سوسوسائٹی اور انجمن تاجران کی مشاورت سے فوری اور ٹھوس عملی اقدامات اٹھائے جائیں شہر سے کوڑا کرکٹ کے خاتمہ کیلئے ایسے مقامات پر ماڈل فلتھ ڈپو بنائے جائیں جس سے بدنمائی کا خاتمہ ہو سکے بورے والا سے وہاڑی تک ڈبل روڈ کی تعمیر کا منصوبہ جلد شروع ہو جائے گا جو دو سال میں مکمل ہو گا،اجلاس میں اسسٹنٹ کمشنر رانا اورنگ زیب،چیف آفیسر راﺅ محمد علی،چیف پیٹرن سول سوسائٹی ورک شیخ شہزاد مبین،صدر بار ملک فرقان یوسف کھوکھر،صدر انجمن تاجران محمد جمیل بھٹی،صدر انجمن آڑھتیاں سبزی منڈی حاجی عاشق علی آرائیں،صدر کریانہ ایسوسی ایشن راﺅ نور محمد،میونسپل انجنیئر اے ڈی خان،شیخ محمد اعظم،محمد عاطف چوہدری،ڈپٹی ڈائریکٹر انفارمیشن نعیم عاصم اور دیگر نمائندہ شخصیات بھی موجود تھیں ڈی سی وہاڑی نے کہا کہ ایف بی آر نے ایسے افراد کی نشاندہی کی ہے جو لوگ سابقہ ادوار میں اپنے کاروباری انکم ٹیکس کو زرعی ظاہر کر کے اپنے ذمہ انکم ٹیکس ادا نہیں کرتے تھے اب ان سے واجب الادا ایک کروڑ سے زائد کی رقم 30جون تک وصول کی جائے گی اور وہ کاروباری ٹیکس نیٹ میں آ جائیں گے انہوں نے کہا کہ بورے والا کلب میں بھی مقامی کلب ممبران اور سٹیک ہولڈرز کی مشاورت سے وہاڑی کی طرز پر جم خانہ کلب کا قیام عمل میں لایا جائے گا جس کیلئے ابتدائی کام شروع کر دیا گیا ہے جنرل بس سٹینڈ کی شہر سے باہر منتقلی کیلئے ملتان روڈ نیو سبزی منڈی سے ملحقہ سرکاری اراضی مختص کر دی گئی ہے اور مقامی انتظامیہ ٹرانسپورٹرز سے مشاورت کے بعد بس اسٹینڈ کی منتقلی اور نئے بس سٹینڈ کی تعمیر کے منصوبے پر عملی اقدامات اٹھائے تا کہ اندورن شہر بس سٹینڈ کی وجہ سے ٹریفک کے مسائل کو کم کیا جا سکے،ان خیالات کا اظہار انہوں نے بلدیہ بورے والا انجمن تاجران،سول سوسائٹی نیٹ ورک اور دیگر سٹیک ہولڈرز کے اجلاس سے خطاب کرتے ہوئے کیا۔
About Author
