موٹر سائیکلوں کی ٹکر کا جھگڑا،فائرنگ سے حساس ادروں کے ملازم دو بھائی زخمی

بورے والا(چوہدری اصغر علی جاوید سے)موٹر سائیکلیں ٹکرانے کا جھگڑا طول پکڑ گیا،مسلح شخص کی اندھا دھند فائرنگ سے حساس اداروں کے ملازم دو حقیقی بھائی زخمی،فائرنگ کرنے والا ملزم چند روز قبل ہی اقدام قتل کے مقدمہ میں ضمانت پر آیا تھا،پولیس ذرائع،شہریوں میں شدید خوف وہراس،آئے روز فائرنگ کے واقعات نے شہریوں کی زندگیاں اجیرن بنا دیں،تفصیلات کے مطابق بتایا جاتا ہے کہ پرانا ڈاکخانہ چوک میں الہٰ آباد کالونی کے رہائشی دو مختلف حساس اداروں میں ملازم حقیقی بھائی عرفان اور عمران پسران شمشاد علی کی موٹر سائیکل ایک نامعلوم موٹر سائیکل سوار سے ٹکرا گئی جس پر دونوں بھائیوں نے اسے سمجھایا کہ تم غلط ڈرائیو کر رہے ہو جس پر انکے مابین تلخ کلامی اور ہاتھا پائی ہو گئی اسی اثناء میں نوجوان موٹر سائیکل سوار نے فون کر کے اپنے کسی عزیز یا دوست کو بلوا لیا جو کہ چند روز قبل ہی اقدام قتل کے مقدمہ میں جیل سے ضمانت پر آیا تھا وہ اور اسکے ساتھی وہاں آ گئے جنہوں نے آتے ہی مکوں گھونسوں اور شیشے کی بوتلوں کا آزادانہ استعمال کرنے کے علاوہ اندھا دھند فائرنگ بھی کر دی جس سے حساس اداروں کے دونوں ملازم بھائی عرفان اور عمران شدید زخمی ہو گئے ملزمان موقع سے فرار ہو گئے واقعہ کی اطلاع ملتے ہی پولیس موقع پر پہنچ گئی زخمیوں کو تحصیل ہیڈ کوارٹر ہسپتال بورے والا منتقل کر دیا گیا اور پولیس نے ملزمان کی گرفتاری کیلئے ٹیمیں روانہ کر دیں بورے والا شہر میں آئے روز آوارہ اور جرائم پیشہ گروپوں کی جانب سے ہوائی فائرنگ اور اقدام قتل کے واقعات سے شریف شہریوں میں خوف وہراس پیدا ہو چکا ہے شہریوں نے ایسے امن دشمنوں کے خلاف گرینڈ آپریشن کا مطالبہ کیا ہے۔