عمران خان اس ملک میں شاہ سلمان والا قانون نافذ کرنے کی کوشش کر رہے ہیں۔ٹوچی خان
بورے والا(چوہدری اصغر علی جاوید سے)پیپلز پارٹی ضلع وہاڑی کے صدر محمود حیات ٹوچی خان نے کہا ہے کہ ہم سابق صدر آصف علی زرداری کے بعد انکی ہمشیرہ فریال تالپور کی نیب کے ہاتھوں گرفتاری کی شدید الفاظ میں مذمت کرتے ہیں اور یہ حکومت کی اپنے سیاسی مخالفین کے خلاف انتقامی کاروائی ہے،ان خیالات کا اظہار انہوں نے گذشتہ شب پیپلز پارٹی تحصیل بورے والا کے آفس میں پیپلز پارٹی تحصیل اور سٹی بورے والا کے عہدیداروں کے مشترکہ اجلاس کے بعد میڈیا کے نمائندوں سے گفتگو کرتے ہوئے کیا انہوں نے کہا کہ حکومت وفاق کی علامت جماعت کے قائدین کو جھوٹے اور بے بنیاد مقدمات میں ملوث کر کے نیب کے ہاتھوں انتقام کا نشانہ بنا رہی ہے پی پی پی کے کارکنان ملکی یکجہتی اور جمہوریت کے استحکام کیلئے ان تمام حکومتی ہتھکنڈوں کے باوجود ملکی بقاء کو مقدم سمجھتی ہے لیکن اگر حکومت نے 18(ویں) آئینی ترمیم کو ختم کروا کے صوبائی خود مختاری کے خاتمے کیلئے پیپلز پارٹی کو ایسے ہتھکنڈوں کے ذریعے گھٹنے ٹیکنے پر مجبور کیا تو ملکی سلامتی کو ہونے والے نقصان کی ذمہ دار حکومت ہو گی ہم ایسی گرفتاریوں سے ہرگز نہیں ڈرتے اور نیب کے ایسے جھوٹے اور بے بنیاد مقدمات کا سامنا کریں گے ٹوچی خاں نے مزید کہا کہ پیپلز پارٹی کے ساتھ ہر دور میں کھلواڑ کیا جاتا رہا جسکے پیچھے وردی رہی ہے پنجاب میں ایک بار اکثریت کے باوجود وزارت اعلیٰ نہیں دی گئی حالانکہ پیپلز پارٹی وہ واحد جماعت ہے جو ملک کو جوڑ سکتی ہے وفاق کو تقسیم ہونے سے بچا سکتی ہے یہ واحد پارٹی ہے جو سندھ کو ملک سے علیحدہ کرنے کی صلاحیت رکھتی ہے لیکن فوج کے کہنے پر آصف علی زرداری نے وفاق کی مضبوطی کے لئے سندھ سے علیحدگی پسند تحریکوں کے خاتمہ کے لئے پاکستان کھپے کا نعرہ لگایا پی پی پی ملک کی نظریاتی جماعت ہے جسے ختم کرنے کا سوچنے والے خود ختم ہوگئے آج اگر پی پی پی بلوچستان حکومت سے الگ ہو جائے تو بلوچستان ملک سے علیحدہ ہو جائے گا عمران خان اس ملک میں شاہ سلمان والا قانون نافذ کرنے کی کوشش کر رہے ہیں لیکن یہ جمہوری ملک ہے اس کو آئین اور جمہوری قوانین کے مطابق ہی ملک چلایا جاسکے گا ہماری زبان بند رہنے دی جائے تو حکومت کے لئے بہتر ہو گا اگر یہ زبان کھلی تو ملکی ادارے بدنام ہونگے قبل ازیں اجلاس ضلعی جنرل سیکرٹری سید اعجاز حسین شاہ،تحصیل صدر چوہدری کامران یوسف گھمن،سٹی صدر حاجی عنایت اللہ وسیئر،محمد صدیق بھلر،سلیم قریشی،مرتضی چوہان،غلام حیدر جٹ،سلیم قریشی،چوہدری ضیاء الرحمان گریوال،اے ڈی اور فیاض عظیم ایڈووکیٹ کے علاوہ دیگر نے بھی خطاب کیا ضلعی صدر نے کہا کہ ملکی ادارے بدنام ہو رہے ہیں فوج کو سوچنا چاہیئے کہ ایک بے وقوف شخص جس سے ملک نہیں چل سکتا اسکا ساتھ چھوڑ دے۔
About Author
