نااہل حکمرانوں نے قائد اعظم کے وطن کو آئی ایم ایف کے پاس گروی رکھ دیا ہے۔کامران گھمن

بورے والا(چوہدری اصغر علی جاوید سے)پیپلز پارٹی تحصیل بورے والا کے صدر چوہدری کامران یوسف گھمن نے کہا ہے کہ سلیکٹیڈ سرکار پیش کردہ بجٹ عوام دشمن ہے،ان خیالات کا اظہار انہوں نے اپنے آفس میں میڈیا کے نمائندوں سے گفتگو کرتے ہوئے کیا انہوں نے کہا کہ اس سے آنے والے دنوں میں مہنگائی کا ایک طوفان برپا ہو گا جس سے غریبوں محنت کشوں اور مزدوروں کا جینا محال ہو جائیگا اس موقع پر سینئر نائب صدر چوہدری نعمان رشید آرائیں،کاشف علی بھٹی،ماسٹر اے ڈی خان،محمد جمیل طور قلندری،جنرل سیکرٹری چوہدری فیاض عظیم ایڈووکیٹ،میاں محمد امین آفس سیکرٹری،محمد صدیق بھلر سیکرٹری اطلاعات اور مقبول مسیح کے علاوہ دیگر بھی موجود تھے انہوں نے کہا کہ یہ حکومت کا نہیں آئی ایم ایف کا بجٹ ہے ہم اس عوام دشمن بجٹ کو مسترد کرتے ہیں چوہدری کامران یوسف گھمن نے کہا کہ نااہل حکمرانوں نے قائد اعظم اور قائد عوام شہید ذوالفقار علی بھٹو کے وطن کو آئی ایم ایف کے پاس گروی رکھ دیا ہے اس عوام دشمن بجٹ کو حکمرانوں کے علاوہ تمام عوام دوست حلقے مسترد کرتے ہیں پیپلز پارٹی اس ظالمانہ بجٹ کو مسترد کرتے ہوئے چیئرمین بلاول بھٹو زرداری کی قیادت میں عوامی جذبات کی ترجمانی کرتے ہوئے ان کے ساتھ کھڑی ہے۔