ماہ رمضان میں قیمتوں کو کنٹرول کرنے کیلئے انتظامیہ کو متحرک کر دیا گیا ہے۔جہانزیب کھچی

بورے والا(چوہدری اصغر علی جاوید سے)صوبائی وزیر ٹرانسپورٹ جہانز یب خان کھچی نے رمضان بازار وہاڑی اور بورے والا کا دورہ کیا اور رمضان بازاروں میں اشیائے خوردونوش سبزیوں،پھلوں،چکن،گوشت،آٹا،چینی اور گھی کے سٹالوں کا معائنہ کیا صوبائی وزیر ٹرانسپورٹ نے اشیائے خوردنی کی کوالٹی اور قیمتوں کو چیک کیا اور ریسکیو1122،محکمہ صحت اور سول ڈیفنس کے سٹال کا بھی جائزہ لیا صوبائی وزیر ٹرانسپورٹ نے آٹے کا وزن اور نمی کا تناسب بھی چیک کیا اس موقع پر ڈپٹی کمشنر وہاڑی عرفان علی کاٹھیا،عالمگیر خان کھچی،اسسٹنٹ کمشنر وہاڑی منور حسین،اسسٹنٹ کمشنر بورے والا حسنین خالد سنپال،پی ٹی آئی کے تحصیل صدر طارق محمود باجوہ،سٹی صدر ملک فاروق احمد اعوان،ای اے ڈی اے محمد آصف رضا،سیکر ٹری مارکیٹ کمیٹی راﺅ ندیم اصغر،تاجر راہنما جمیل بھٹی،ارشاد بھٹی،راﺅ خلیل احمد اور دیگر ضلعی افسران بھی موجود تھے صوبائی وزیر ٹرانسپورٹ جہانزیب خان کھچی نے کہا کہ حکومت پنجاب ماہ رمضان میں اشیائے خوردونوش کی قیمتوں کو ہر صورت کنٹرول رکھنے کیلئے اقدامات کر رہی ہے رمضان بازار میں ایگری کلچر فیئر پرائس شاپ پر 19چیزوں پر سبسڈی دی جا رہی ہے ماہ رمضان میں قیمتوں کو کنٹرول کرنے کیلئے انتظامیہ کو متحرک کر دیا گیا ہے ڈپٹی کمشنر عرفان علی کاٹھیا نے کہا کہ حکومت عوام کی خدمت یقین رکھتی ہے تمام محکمے رمضان بازار میں احسن طر یقے سے اپنے فرائض ادا کر رہے ہیں رمضان بازار میں گھی،چینی اور آٹا (10)روپے فی کلو گرام مارکیٹ ریٹ سے کم پر دیا جا رہا ہے بعدازاں صوبائی وزیر ٹرانسپورٹ جہانزیب خان کھچی نے ڈپٹی کمشنر عرفان علی کاٹھیا کے ہمراہ اچانک تحصیل ہیڈ کوارٹر ہسپتال بورے والا کا دورہ کیا اور ہسپتالوں کے مختلف وارڈز میں جا کر مریضوں کی تیمار داری کی اور انہیں مہیا کی جانے والی طبی سہولیات کا جائزہ لیا جس پر مریضوں نے اطمینان کا اظہار کیا اس موقع پر صوبائی وزیر ٹرانسپورٹ جہانز یب خان کھچی نے کہا کہ حکومت پنجاب عوام کو صحت کی سہولیات پہنچانے کے لئے بھر پور اقدامات کر رہی ہے ہسپتالوں کو جدید خطوط پر استوار کیا جا رہا ہے مفت ادویات فراہم کی جا رہی ہیں صوبائی وزیر نے ہسپتال میں صفائی و ستھرائی بہترین صورتحال پر میڈیکل سپرنٹنڈنٹ ڈاکٹر امجد شکیل اور ڈپٹی ایم ایس ڈاکٹر عمران بھٹی کی کاوشوں کو سراہا۔