سپیرئیر کالج سٹی آف ایجوکیشن اور سٹی سپورٹس میں اہم کردار ادا کر رہا ہے۔عاشق آرائیں

بورے والا(چوہدری اصغر علی جاوید سے)چیئرمین میونسپل کمیٹی چوہدری محمد عاشق آرائیں نے کہا ہے کہ سپیرئیر کالج بورے والا قابل تحسین ہے سٹی آف ایجوکیشن اور سٹی سپورٹس شہر بورے والا کا نام روشن کرنے میں اہم کردار ادا کر رہا ہے،آج کے جدید دور میں سپورٹس مین بہت اہمیت کا حامل ہے،پوری دنیا میں لوہا منانے کیلئے کھیل کے میدان آباد کرنا اولین ترجیحات ہونی چاہیے تا کہ نوجوان نسل میں تعلیمی سرگرمیوں کے ساتھ ساتھ غیر نصابی سرگرمیاں بھی ضروری ہے،ان خیالات کا اظہار انہوں نے قائد اعظم اسٹیڈیم میں سپیرئیر گروپ آف کالج کے زیر اہتمام تین روزہ سپورٹس فیسٹیول کی اختتامی تقریب سے خطاب کرتے ہوئے کیا تقریب سے خطاب کرتے ہوئے سایق امیدوار رکن قومی اسمبلی محترمہ عائشہ نزیر جٹ نے کہا کہ خواتین بھی ہر میدان میں بڑھ چڑھ کر حصہ لیں،اپنا اور اپنے والدین کا نام روشن کریں سپورٹس میں نوجوان نسل کی تعلیم،صحت اور ملکی ترقی میں اہم کردار ادا کر رہے ہیں سپورٹس فیسٹیول میں طلباء و طالبات کے درمیان کرکٹ،فٹ بال اور ریس وغیرہ کے میچز کا مقابلہ ہوا ٹیموں کے درمیان سخت مقابلے ہوئے جیتنے والے کھلاڑیوں میں انعامات بھی تقسیم کئے گئے اس موقع پر ڈائریکٹر فرحان رشید بھٹی،پرنسپل میاں آصف سردار،سول سوسائٹی نیٹ ورک بورے والا کے کوارڈینٹر عبدالرﺅف چوہدری،شہزاد مصطفےٰ،شاہد ندیم بھٹی،غلام فرید کھچی،محمد شیر خان کھچی اور اساتذہ کے علاوہ والدین نے بھی شرکت کی۔