مقبوضہ کشمیر کا مسئلہ قرار دادوں سے حل نہیں ہو گا ملکر جہاد کرنے کی ضرورت ہے۔فقیر آرائیں،خالد ڈوگر
بورے والا(چوہدری اصغر علی جاوید سے)مقبوضہ کشمیر کا مسئلہ قرار دادوں سے حل نہیں ہو گا اس کیلئے ملکر جہاد کرنے کی ضرورت ہے،ان خیالات کا اظہار ممبران قومی و صوبائی اسمبلی چوہدری فقیر احمد آرائیں،سردار خالد محمود ڈوگر،چیئرمین بلدیہ چوہدری محمد عاشق آرائیں اور سابق صوبائی وزیر چوہدری محمود اختر گھمن نے پریس کلب بورے والا میں تحریک آزادی جموں و کشمیر کے زیر اہتمام منعقدہ کل جماعتی کانفرنس سے خطاب کرتے ہوئے کیا کانفرنس کی صدارت عکاشہ عرفان نے کی کانفرنس سے صدر مرکزی انجمن تاجران حاجی محمد جمیل بھٹی،حافظ محمد یاسر راشدی،صوبائی نائب صدر مرکزی علماء کونسل حافظ محمد ابوسفیان حنفی،مولانا محمد زبیر گورداسپوری،ضلعی انچارج جماعت الدعوہ ابو ہاشم ذیشان،قاری شاہد رضا،ڈپٹی کنونیئر سول سوسائٹی نیٹ ورک چوہدری اصغر علی جاوید،حفیظ تبسم،خان خالد خاں،تحریک لبیک یارسول اللہ کے راہنماء اسد کریم سیفی،ابو عکاشہ اور دیگر نے خطاب کیا انہوں نے کہا کہ 70سال سے یہ مسئلہ حل طلب ہے جس اب تک 80ہزار سے زائد بے گناہ کشمیریوں کو ظلم و بربریت کے بعد شہید کیا گیا ہے دنیا کے منصفوں کی مجرمانہ خاموشی لمحہ فکریہ ہے اقوام متحدہ اپنی منظوری کردہ حق خودارادیت کی قراردادوں پر عمل درآمد کروانے میں ناکام ہے مقررین نے خطاب کرتے ہوئے کہا کہ اب وقت آگیا ہے کہ قراردادوں کی بجائے عملی طور جدوجہد کرکے کشمیریوں کو ان کے حقوق دلوانے کی طرف قدم اٹھایا جائے انہوں نے کہا کہ قومی اسمبلی کی کشمیر کمیٹی نے بھی مسئلہ کو بین الاقوامی سطح پر اجاگر کرنے میں کوئی کردار ادا نہیں کیا ہر حکومت نے اس عہدے کو سیاسی طور پر نوازنے کے لئے استعمال کیا ہے ہر حکومت اپنی کرسی بچانے کے لئے کشمیر کے لاکھوں شہداء کے خون کا سودا کرتی آرہی ہے بھارت سے دوستی کی بات کشمیریوں کے خون سے غداری ہے کانفرنس کے اختتام پر کشمیریوں کی آزادی کے لئے خصوصی دعا بھی کی گئی۔
About Author
