شہر میں تجاوزات مافیا نے دوبارہ پنجے گاڑ لیئے،محکمہ ہائی وے اور محکمہ انہار کی عدم دلچسپی

بورے والا(چوہدری اصغر علی جاوید سے)شہر میں تجاوزات مافیا نے دوبارہ پنجے گاڑ لیئے،تجاوزات کے خلاف مہم اداروں کی چشم پوشی کا شکار،محکمہ ہائی وے اور محکمہ انہار کی عدم دلچسپی،محکمہ مال کے پٹواریوں کی جانب سے قبضہ مافیا کی نشاندہی نہ ہونے پر مہم ناکام،تفصیلات کے مطابق سپریم کورٹ کے احکامات اور حکومت کی ہدایات کی روشنی میں چند ماہ قبل شہر اور گردونواح میں قبضہ مافیا اور تجاوزات مافیا کے خلاف چند ماہ قبل شروع کی جانیوالی خصوصی مہم جس تیزی سے شروع کی گئی تھی اس سے یہ لگ رہا تھا کہ قبضہ مافیا اور تجاوزات مافیا کا ممکنہ حد تک خاتمہ ہو جائیگا لیکن شہر اور دیہات میں چند مقامات پر اس مہم کی کامیابی کے بعد بااثر قبضہ مافیا اور شہر میں تجاوزات فافیا پر اس مہم کی کامیابی کے بعد بااثر قبضہ مافیا اور شہر میں تجاوزات مافیا کے خلاف یہ مہم محکمہ ہائی وے،محکمہ انہار اور محکمہ مال کے پٹوواریوں کی مکمل چشم پوشی کی وجہ سے ناکام نظر آ رہی ہے تمام مین شاہراہوں کے گرد محکمہ ہائی وے کی جگہ پر قائم تجاوزات اور اندرون شہر بازاروں میں بدترین تجاوزات نے شہر کا حلیہ بگاڑ دیا ہے بلدیہ کے عملہ انکروچمنٹ کی تجاوزات مافیا سے مبینہ ملی بھگت اور چشم پوشی کی وجہ سے خریداروں کا اپنی سواری پر تو درکنار پیدل چلنا بھی مشکل ہو چکا ہے اداروں کے سر براہان سب کچھ دیکھتے ہوئے بھی حکومت کی اس مہم کو ناکام بنانے کے لیے غفلت کا مظاہرہ کر رہے ہیں اس صورتحال میں شہر کی نمائندہ شہری تنظیموں سول سو سائٹی نیٹ ورک،ایس ڈبلیو سی ڈی سی،پبلک ویلفیئر سو سائٹی،وکلاء،ڈاکٹروں،تاجروں اور دیگر نمائندہ شخصیات نے ڈی سی وہاڑی سے نوٹس لینے کا مطالبہ کیا ہے۔