بانی پاکستان قائد اعظم انویٹیشن ٹورنامنٹ میں آرائیں کرکٹ کلب سیمی فائنل میں پہنچ گئی

بورے والا(چوہدری اصغر علی جاوید سے)بانی پاکستان قائد اعظم محمد علی جناح اور میاں نواز شریف انویٹیشن کرکٹ ٹورنامنٹ میں آرائیں کرکٹ کلب سیمی فائنل میں پہنچ گئی،پہلے کوارٹر فائنل میں جٹ کرکٹ کلب کو پانچ وکٹوں سے شکست دی،تفصیلات کے مطابق گورنمنٹ ہائی سکول بسمہ اللہ پور گراﺅنڈ میں ٹورنامنٹ کا پہلا کوارٹر فائنل میچ جٹ کرکٹ کلب اور آرائیں کرکٹ کلب کے مابین کھیلا گیا جٹ کرکٹ کلب نے پہلے بیٹنگ کرتے ہوئے مقررہ چھ اوورز میں 63رنز بنائے اس کے جواب میں آرائیں کرکٹ کلب نے مطلوبہ ہدف پانچ اوورز میں حاصل کر لیا اور اس کے پانچ کھلاڑی آﺅٹ ہوئے تھے آرائیں کرکٹ کلب کی طرف سے زین غفار 43رنز بنا کر قابل ذکر سکورر ہے جبکہ فہد نواز 4کھلاڑیوں کو آوٹ کر کے مین آف دی میچ قرار پائے اس طرح آرائیں کرکٹ کلب نے پانچ وکٹوں کامیابی حاصل کر کے سیمی فائنل کیلئے کوالیفائی کر لیا میچ کو ایمپائر عثمان انصر اور امیر حمزہ نے سپروائز کیا اس میچ کے مہمان خصوصی سابق ممبر ڈسٹرکٹ کرکٹ ایڈہاک کمیٹی اصغر علی جاوید اور مرزا ظہیر اسلم تھے اس موقع پر ٹورنامنٹ آرگنائزر صاحبزادہ عبدالستار بھٹی اور دیگر بھی موجود تھے۔