بے نظیر بھٹو(شہید) نے ملک میں جمہوریت کی بحالی کیلئے طویل عرصہ جدوجہد کی۔کامران یوسف

بورے والا(چوہدری اصغر علی جاوید سے)پیپلز پارٹی یورپ کے سابق کوآرڈینٹر اور سابق امیدوار قومی اسمبلی چوہدری کامران یوسف گھمن نے کہا ہے کہ پیپلز پارٹی کی چیئرمین سابق وزیر اعظم محترمہ بے نظیر بھٹو کو ایک بین الاقوامی سازش کے تحت شہید کیا گیا اس سازش کے تحت پاکستان میں خانہ جنگی کا منصوبہ بنایا گیا تھا لیکن مردِ حر سابق صدر اور پیپلز پارٹی کے (کو)چیئرمین آصف علی زرداری نے اس سازش کو پاکستان کھپے کا نعرہ بلند کر کے ناکام بنایا،ان خیالات کا اظہار انہوں پیپلز پارٹی سٹی کے زیر اہتمام پیپلز پارٹی کے مرکزی آفس(کے بلاک) میں سابق وزیر اعظم محترمہ بے نظیر بھٹو(شہید) کی برسی کے سلسلہ میں منعقدہ دعائیہ تقریب سے فرانس سے ٹیلی فونک خطاب کرتے ہوئے کیا دعائیہ تقریب زیر صدارت چوہدری نعمان رشید منعقد ہوئی تقریب سے حاجی عنایت وسیئر،محمد صدیق بھلر،ماسٹر اللہ دتہ،محمود علی اور شیخ اکرم ٹکا نے خطاب کرتے ہوئے کہا کہ شہید محترمہ بے نظیر بھٹو دنیائے اسلام کی پہلی خاتون وزیر اعظم تھیں انکی ذہانت کی پوری دنیا معترف تھی جس کے تحت غریبوں اور محنت کشوں کو ان کے حقوق حاصل ہونے اور ان کو مکمل تحفظ بھی ملا ملک کے دفاع کو محفوظ اور مضبوط بنانے کیلئے ایٹمی پروگرام کا آغاز کیا انہوں نے کہا کہ پیپلز پارٹی نے ملک میں آمریت کے خلاف اور جمہوریت کی بحالی کے لیے طویل عرصہ جدوجہد کی ہے اگر آج ملک میں جمہوریت ہے تو اس میں پیپلز پارٹی کی جدوجہد اور اس کے لیڈروں اور کارکنوں کی قربانیوں کی وجہ سے ہے اس موقع پر ملک اجمل کھوکھر،مرزا شکیل بیگ،عتیق الرحمان،ڈاکٹر شمشاد الحق،مرزا شکیل،بدر منیر شاہ،مرزا شوکت(ڈپٹی)،چوہدری اختر علی،محمد امین کے علاوہ دیگر بھی موجود تھے۔