پاکستان کسان اتحاد نے واپڈا ملازمین کی فری سپلائی اور کرپٹ اہلکاروں کے خلاف ڈنڈا اُٹھا لیا

بورے والا(چوہدری اصغر علی جاوید سے)پاکستان کسان اتحاد نےواپڈا ملازمین کی فری سپلائی،بجلی چوری اور کرپٹ اہلکاروں کے خلاف ڈنڈا اُٹھا لیا،واپڈا کے خلاف ڈنڈا بردار ریلی،21نومبر تک مطالبات منظور نہ ہوئے تو پورا پنجاب سیل کر دیں گے،کسان اتحاد کا اعلان،تفصیلات کے مطابق پاکستان کسان اتحاد کے ضلعی صدر ملک ذوالفقار اعوان کی قیادت میں ضلع بھر کے سینکڑوں کسانوں نے آج میپکو میں تعینات کرپٹ افسران،ملازمین کو دی جانے والی بجلی کی مفت سہولت،بجلی چوری اور کسانوں کے خلاف دہشت گردی کے مقدمات درج کروانے کے خلاف ایک ڈنڈا بردار احتجاجی ریلی نکالی گئی ریلی کسان اتحاد کے مرکزی دفتر سے شروع ہو کر چونگی نمبر5،وہاڑی بازار،میپکو کمپلکس،گول چوک،کالج روڈ اور ملتان روڈ سے ہوتی ہوئی واپس دفتر کسان اتحاد آکر اختتام پذیر ہوئی واپڈا آفس اور پریس کلب کے سامنے احتجاجی ریلی سے خطاب کرتے ہوئے ضلعی صدر ملک ذوالفقار اعوان نے کہا کہ واپڈا ملازمین نے مفت بجلی کی سہولت کی آڑ میں اپنے گھروں پر منی گرڈ اسٹیشن بنا رکھے ہیں جہاں سے ملحقہ گھروں کو بجلی چوری کر کے فروخت کرتے ہیں اس بجلی چوری کا بوجھ کسانوں اور مزدوروں پر ڈال کر اُنکا معاشی قتل کرتے ہیں جس سے زرعی شعبہ معاشی تباہی کا شکار ہے واپڈا کے کرپٹ افسران بجلی چوروں کی سرپرستی کر کے میپکو کو مالی خسارے سے دو چار کر رہے ہیں جبکہ احتجاج کرنے پر کسانوں کے خلاف دہشت گردی کے بے بنیاد مقدمات درج کر کے اُنکی آواز کو دبانے کی کوشش کی جا رہی ہے انہوں نے کہا کہ اگر حکومت نے 21نومبر تک میپکو اہلکاروں کو دی گئی مفت سپلائی کی آڑ میں بجلی چوری بند نہ کروائی،کرپٹ افسران کو فی الفور ضلع بدرنہ کیا اور کسانوں پر درج دہشت گردی کا مقدمہ خارج نہ کیا تو ہم پورا صوبہ سیل کر دیں گے اور لاکھوں ڈنڈا بردار کسان سڑکوں پر نکلیں گے اور اپنے حقوق کے حصول تک گھروں کو واپس نہیں جائیں گے احتجاجی ریلی میں جنرل سیکرٹری کسان اتحاد چوہدری محمد مہران،ندیم سجاد،محبوب خاں سلدیرا،ریاض احمد خاں جملیرا،رضان فاروق وڑائچ،چوہدری محمد اصغر،محمد اعظم لکھوکا،نعرت علی نمبردار،عثمان علی عاکوکا کے علاوہ دیگر راہنما نے بھی شرکت کی۔