فاروق آباد کا امتحانی سنٹر ختم کیے جانے کے خلاف والدین اور طلباء کا احتجاج
بورے والا(چوہدری اصغر علی جاوید سے)محکمہ تعلیم کی غفلت،پانچویں اور آٹھویں کے سالانہ امتحانات کے لیے بیس سال قائم امتحانی سنٹر ختم کر دیا گیا،نئے امتحانی سنٹر کا مختلف سکولوں سے فاصلہ بیس سے پچیس کلو میٹر سے بھی بڑھ گیا،والدین کا طلباء و طالبات کے ہمراہ سنٹر کی بندش کیخلاف احتجاج،تفصیلات کے مطابق بورے والا میں محکمہ تعلیم کے افسران کی مبینہ غفلت کے باعث نواحی گاﺅں فاروق آباد میں عرصہ دراز سے قائم پانچویں اور آٹھویں کے سالانہ امتحانات کے لیے بنایا گیا امتحانی سنٹر ختم کر کے اسے بیس سے زائد کلو میٹر دور غفور واہ سکول میں بنائے جانے کے خلاف مختلف سکولوں کے طلباء و طالبات نے اپنے والدین اور سول سوسائٹی کے ارکان کے ہمراہ احتجاجی مظاہرہ کیا طلباء و طالبات اور والدین کا کہنا ہے فاروق آباد امتحانی سنٹر پر اس علاقہ کے بیس سے زائد سرکاری و پرائیویٹ سکولوں کے سینکڑوں بچے مڈل اور پرائمری کا سالانہ امتحان دیتے آ رہے تھے لیکن محکمہ تعلیم نے بلاجواز اس سنٹر کو ختم کر کے جو نیا سنٹر بنایا ہے اسکا فاصلہ سکولوں سے 20کلو میٹر سے بھی زائد بنتا ہے اتنا طویل فاصلہ طے کر کے معصوم بچوں کا امتحانی مرکز پر پہنچنا بہت مشکل ہو جائے گا اگر فاروق آباد سنٹر بحال نا کیا گیا تو تمام طلباء و طالبات ان امتحانات کا بائیکاٹ کر دیں گے اس موقع پر موجود والدین اور سول سوسائٹی کے ارکان سول سوسائٹی نیٹ ورک بورے والا راہنما محمد شیر خان کھچی،مسعود عابد رشید،حیات محمود،دید ظفر شاہ،شاہ محمد نیازی اور طلباء و طالبات نے وزیر اعلیٰ پنجاب،صوبائی وزیر تعلیم،سکرٹری تعلیم،کمشنر ملتان،ڈپٹی کمشنر وہاڑی اور چیف ایگزیکٹو تعلیم ضلع وہاڑی سے فاروق آباد سنٹر اور کلسٹر فوری بحال کرنے کا مطالبہ کیا ہے۔
About Author
