شہر سے منشیات فروشوں کا خاتمہ اور مظلوموں کو بروقت انصاف کی فراہمی میری اولین ترجیح ہے۔مہر پرویز
بورے والا(چوہدری اصغر علی جاوید سے)ایس ایچ او تھانہ ماڈل ٹاﺅن مہر پرویز اختر نے کہا ہے کہ شہر سے منشیات فروشوں کا خاتمہ اور مظلوموں کو بروقت انصاف کی فراہمی میری اولین ترجیح ہے چند روز قبل ڈی پی او احمد ناصر عزیز ورک کی ہدایت پر چوک چونگی نمبر5 پر ایک چھاپے کے دوران ہزاروں لیٹر شراب میٹریل برآمد کیا گیا ہے جلد ہی منشیات فروشوں کے نیٹ ورک کو قانون کے کٹہرے میں لایا جائے گا،ان خیالات کا اظہار انہوں نے بورے والا پریس کلب میں صحافیوں سے غیر رسمی گفتگو کرتے ہوئے کیا مہر پرویز اختر نے کہا کہ تھانے میں ٹاﺅٹوں کا داخلہ بند کر دیا گیا ہے تمام تفتیشی افسران براہ راست میرے سامنے جوابدہ ہیں اور مقدمات کی میرٹ پر تفتیش کی جا رہی ہے پولیس تھانہ ماڈل ٹاﺅن نے شہر میں سٹریٹ کرائم کے سدباب کے لیے سادہ کپڑوں میں ملازمین کا گشت بڑھا دیا ہے جرائم پیشہ لوگوں کو کسی صورت میں عوام کے جان و مال سے کھیلنے کی اجازت نہیں دی جائے گی انہوں نے مزید کہا کہ ڈی پی او وہاڑی سے تھانہ میں نفری کے اضافہ کے لیے درخواست کی گئی ہے جلد ہی حوصلہ افزاء نتائج سامنے آئیں گے انہوں نے کہا کہ صحافی معاشرے کی آنکھ اور کان ہوتے ہیں ہم مثبت صحافت اور تعمیری تنقید کا خیرمقدم کرتے ہیں تاہم صحافت کی آڑ میں بعض کالی بھیڑوں کی حوصلہ شکنی بھی ضروری ہے۔
About Author
