مقامی پولٹری فارم میں مسلح ڈاکو ملازمین سے ہزاروں روپے نقدی لوٹ کر فرار
بورے والا(چوہدری اصغر علی جاوید سے)مقامی پولٹری فارم میں مسلح ڈکیتی کی واردات،آتشیں اسلحہ سے مسلح دو ملزمان ملازمین کو جان سے مار دینے کی دھمکی دے کر ہزاروں روپے نقدی اور قیمتی پارچاجات لوٹ کر فرار ہوگئے،تفصیلات کے مطابق وحید گریوال پولٹری فارم چک453 کے سپروائزر محمد آصف بھٹی سکنہ عارفوالہ گزشتہ شب دیگر ملازمین سمیت پولٹری فارم میں سوئے ہوئے تھے کہ ایک بجے شب پسٹل اور رائفل سے مسلح دو ملزمان اندر داخل ہو گئے اور اسلحہ کے زور پر جگا کر کہا کہ اگر شور کیا تو جان سے مار دیں گے ملزمان آصف بھٹی کی جیب سے 17ہزار نقدی اور ان کے چھ عدد کپڑے کے جوڑے اٹھا کر دیگر ملازمین کی تلاشی کے دوران کچھ نہ ملنے پر انہیں پیٹتے ہوئے ایک بلا نمبری 125موٹر سائیکل پر فرار ہو گئے بلب کی روشنی میں ملزمان کی شناخت کر لی گئی پولیس تھانہ صدر نے دو نامزد ملزمان نثار احمد مغل سکنہ چک 453ای بی اور مختار عرف طوطا سکنہ 519ای بی کے خلاف زیر دفعہ 392ت پ مقدمہ درج کر کے تفتیش شروع کر دی ہے واضح رہے کہ مختار عرف طوطا سکنہ 519ای بی کے خلاف پہلے بھی بورے والا سرکل کے مختلف تھانوں میں ڈکیتی کے مقدمات درج ہیں مگر پولیس کی طرف سے آج تک اس کی گرفتاری ممکن نہ ہو سکی ہے۔
About Author
