شادی کی تقریب میں مخالفین کے حملہ سے زخمی ہونے والا محنت کش ہسپتال میں چل بسا،ورثاءکا احتجاج
بورے والا(چوہدری اصغر علی جاوید سے)شادی کی تقریب میں مخالفین کے حملہ میں چار خواتین سمیت زخمی ہونے والے آٹھ افراد میں سے ایک محنت کش ہسپتال میں چل بسا،ورثاء اور زخمی خواتین کا ملتان روڈ پر نعش رکھ کر ملزمان کی عدم گرفتاری کے خلاف مظاہرہ،ٹائر جلا کر روڈ بلاک کر دی،پولیس ملزمان گرفتار نہیں کر رہی اور ہسپتال کا عملہ زخمیوں میڈیکل رزلٹ نہیں دے رہا،ورثاء کا الزام،تفصیلات کے مطابق کے نواحی گاﺅں148 ای بی میں سات روز قبل نوشیر نامی محنت کش کے بھتیجے کی شادی کے موقع پر انکے مخالفین اسی گاﺅں کے بااثر افراد ظفر اقبال،اسکے بیٹوں محسن اقبال،احسن اقبال،مقبول حسین،عاشق،شہزاد،کاشان،محمد یعقوب اور دیگر10/12ڈنڈوں سوٹوں اور اسلحہ سے لیس ملزمان نے جو شراب کے نشے میں دھت تھے ڈنڈوں اور فائرنگ سے انکے گھر دھاوا بول کر نوشیر،احمد،اسکی بیوی مظہراں بی بی،رانی بی بی،وزیراں بی بی،بہادر بی بی،حیدر علی،صفدر علی،محرم علی سمیت آٹھ افراد کو بری طرح زخمی کردیا تھا زخمیوں کو ٹی ایچ کیو ہسپتال بورے والا منتقل کیا گیا جہاں نوشیر کو تشویشناک حالت میں نشتر ہسپتال ملتان منتقل کیا گیا تھا جہاں آج وہ زخموں کی تاب نہ لاتے ہوئے چل بسا نوشیر کی ہلاکت، مقدمہ درج ہونے کے باوجود ملزمان کی عدم گرفتاری اور ہسپتال کے عملہ کی طرف سے زخمیوں کے میڈیکل رزلٹ نہ دیئے جانے کے خلاف آج ورثاء اور اہل دیہہ نے مقتول کی نعش ڈی ایس پی آفس بورے والا کے دفتر کے سامنے احتجاجی مظاہرہ کیا مظاہرین نے ٹائر نذر آتش کر کے ملتان روڈ قومی شاہراہ بلاک کئے رکھی جس سے گاڑیوں کی کمبی قطاریں لگ گئیں تاہم پولیس کی طرف سے ملزمان کی جلد گرفتاری کی یقین دہانی پر مظاہرین منتشر ہوگئے مظاہرین نے الزام عائد کیا کہ مقدمہ کا تفتیشی بااثر ملزمان کو گرفتار نہیں کر رہا اور ہسپتال کا عملی سات روز گزرنے کے باوجود زخمیوں کے رزلٹ نہیں دے رہا انہوں نے چیف جسٹس آف پاکستان،وزیر اعلیٰ پنجاب اور آئی جی پنجاب سے انصاف کے حصول کا مطالبہ کیا ہے۔
About Author
