شہر اور گردونواح ڈاکوؤں کے لئے جنت بن گیا،شہریوں میں خوف کی فزاء
بورے والا(چوہدری اصغر علی جاوید سے)شہر اور گردونواح ڈاکوﺅں کیلئے جنت،آئے روز شہری نقدی،موٹر سائیکل اور موبائل فونز سے محروم ہونے لگے،ڈکیتی کی چار مختلف وارداتوں میں ڈاکو دن دیہاڑے موٹرسائیکل موبائل فون اور نقدی چھین کر فرار،پولیس وارداتوں پر قابو پانے میں ناکام،وارداتوں کے مقدمات درج کرنے میں پولیس کے تاخیری حربے،تفصیلات کے مطابق میں نواحی گاﺅں 261ای بی کا رہائشی محمد صدیق ولد نور محمد پولڑی فارم سے اپنے گھر جا رہا تھا کہ راستے میں چار نامعلوم مسلح موٹرسائیکل سواروں نے نور محمد کو روک کر پرس جس میں شناختی کارڈ،نقدی اور موبائل فون چھین کر فرار ہو گئے،دوسری واردات المکہ ڈیری دیوان صاحب روڈ ہوئی جس میں تین مسلح موٹرسائیکل سوار ڈاکوﺅں نے محمد ارشد بھٹی جو کہ مرضی پورہ کا رہائشی ہے سے گن پوائنٹ پر تین لاکھ روپے لوٹ لئے اور فرار ہو گئے،تیسری واردات چک نمبر 515ای بی کے قریب ہوئی جہاں پر ڈلن بنگلہ سے ڈیوٹی سے واپس آنے والے بنک منیجر محمد آصف گھمن سر مسلح افراد نے اسلحہ کے زور پر موٹرسائیکل 125نمبری 1024وی آر ایل،موبائل فون اور نقدی لوٹ کر فرار ہو گئے چوتھی واردات میں افضل ٹریڈرز کا سیلز مین خلیل احمد گگو منڈی سے ریکوری کی رقم لیکر اپنے کیری ڈبہ پر واپس بورے والا آرہا تھا کہ مانا موڑ کے قرین پیچھے سے آنے والے دو نامعلوم مسلح موٹرسائیکل سواروں نے اسے روک کر 65ہزار نقدی،موبائل فون،گاڑی اور گھر کی چابیاں چھین لیں اور فرار ہو گئے واقعات کی اطلاع ملتے پولیس جائے وقوعہ پر پہنچ گئی اور تین مشکوک مسلح موٹرسائیکل سواروں کو حراست میں لے لیا اور مقدمہ درج کر کے کارروائی شروع کر دی۔
About Author
