کسان اتحاد کا میپکو کمپلیکس کے باہر واپڈا افسران کے ناروارویہ کے خلاف احتجاجی مظاہرہ
بورے والا(چوہدری اصغر علی جاوید سے)کسان اتحاد کا میپکو کمپلیکس کے باہر واپڈا افسران کے ناروا رویہ،بجلی چوروں کی مبینہ سرپرستی کرنے اور کسانوں کو بلاجواز بھاری جرمانوں کے خلاف احتجاجی مظاہرہ،گدھے پر ایکسیئن کا نام لکھ کر نعرے بازی پر واپڈہ اہلکار مشتعل ہو گئے،واپڈا اہلکاروں کے پتھراﺅ کے جواب میں کسانوں کا گیٹ توڑ کر دفاتر پر دھاوا،توڑ پھوڑ اور پتھراﺅ کے نتیجہ میں چھ کسان اور 8واپڈا اہلکار زخمی،پولیس تماشا دیکھتی رہی،تفصیلات کے مطابق پاکستان کسان اتحاد اور واپڈا کے درمیان گذشتہ چند روز سے کسانوں کوناجائز بلنگ،واپڈا افسران کے کسانوں سے توہین آمیز رویہ اور واپڈہ افسران کی جانب سے بجلی چوروں کی مبینہ سرپرستی کے خلاف شدید غم و غصہ پایا جارہا تھا آج اسی حوالہ سے آج کسان اتحاد کے سینکڑوں ڈنڈا بردار کسانوں نے ضلعی صدر کسان اتحاد ملک ذوالفقار اعوان کی قیادت میں میپکو کمپلیکس کا گھیراﺅ کر کے گیٹ کے سامنے احتجاجی مظاہرہ کیا کسانوں نے گدھے پر ایکسیئن واپڈا کا نام لکھ کر نعرے بازی کی جس پر گیٹ کے اندر دفتر میں موجود واپڈا اہلکاروں نے پتھراﺅ شروع کر دیا جس سے چھ کسان محمد ارشد ولد حاجی خان محمد،محمد بوٹا،محمد مشتاق،محمد الطاف،ندیم عباس،بشیر احمد اور الہٰ یار شدید زخمی ہوئے جس کے جواب میں کسانوں نے ٹریکٹر سے گیٹ توڑ کر دفتر پر دھاوا بول دیا اس دوران مشتعل کسانوں نے واپڈا کے آٹھ اہلکاروں شوکت لائن مین،عدنان ایل ایس،نوید شاہ ایل ایم،لیاقت بیٹو ایل ایم،شاہد پرویز ایل ایس،کاشف عثمان ایل ایم،محمد داس اے ایل ایم اور منیر احمد چوکیدار کو زخمی کرنے کے علاوہ اندر کھڑی گاڑیوں کے شیشے توڑ ڈالے موٹر سائیکلوں کو شدید نقصان پہنچایا اور دفاتر کے اندر بھی توڑ پھوڑ کی ریکارڈ کو بھی نقصان پہنچایا جس سے میپکو کمپلیکس ایک گھنٹہ تک میدان جنگ بنا رہا اس دوران پولیس کی بھاری نفری کھڑے تماشا دیکھتی رہی بعدازاں ڈی ایس پی حافظ خضر زمان نے مداخلت کر کے کسانوں کو باہر نکالا اور کسان اپنا احتجاج ختم کر کے واپس روانہ ہو گئے زخمیوں کو ٹی ایچ کیو ہسپتال میں ابتدائی طبی امداد کے بعد فارغ کر دیا گیا ضلعی صدر کسان اتحاد ملک ذوالفقار اعوان نے خطاب کرتے ہوئے کہا کہ ہم واپڈا افسران کی زیادتیوں اور کسانوں کو ناجائز بھاری بل بھیجنے کے خلاف احتجاج گیٹ سے باہر کر رہے تھے جو ہمارا جمہوری حق تھالیکن واپڈا کے ملازمین نے اندر سے جو پتھراﺅ کیا اس سے ہمارے کسان شدید زخمی ہوئے تو ہمارے کسان قابو سے باہر ہو گئے جنہوں نے اندر داخل ہو کر احتجاج کیا واپڈا اہلکاروں نے خود توڑ پھوڑ کر کے ملبہ کسانوں پر ڈالنے کی کوشش کی ہے ہم کسانوں سے ہونے والی زیادتیوں کے خلاف اپنی جنگ جاری رکھیں گے دوسری جانب واپڈا ہائیڈر و الیکٹرک سنٹرل لیبر یونین کے زونل چیئرمین شاہد باری چوہان نے کہا کہ ہم اپنے دفاتر میں موجود تھے اور کسانوں نے ہمارے مین گیٹ کو توڑ کر اندر دھاوا بول دیا ہمارے ملازمین کو تشدد کا نشانہ بنایا ملازمین نے کمروں میں چھپ کر جانیں بچائیں کسانوں نے غنڈہ گردی کی انتہا کر دی لیکن مقامی پولیس خاموشی سے یہ تماشا دیکھتی رہی دفاتر،گاڑیوں اور موٹر سائیکلوں کو بری طرح تباہ کر دیا ان حالات میں واپڈا ملازمین عدم تحفظ کا شکار ہو چکے ہیں جسکے متعلق ہم اپنا لائحہ علم کا جلد اعلان کریں گے حالات خراب ہونے کہ ذمہ دار پولیس انتظامیہ ہے۔
About Author
