کسان اتحاد کے طرف سے واپڈا دفاتر کے گھیراﺅ کی دھمکی کے خلاف واپڈا مزدور یونین بھی میدان میں آ گئی
بورے والا(چوہدری اصغر علی جاوید سے)کسان اتحاد کے طرف سے واپڈا دفاتر کے گھیراﺅ کی دھمکی کے خلاف واپڈا مزدور یونین بھی میدان میں آ گئی،دفاتر کا مکمل تحفظ اور دفاع کریں گے،قانون کو ہاتھ میں لینے والوں کا منہ توڑ جواب دیا جائے گا،بجلی چوروں کی خاطر کسان اتحاد کے ہتھکنڈوں سے سے اب بلیک میل نہیں ہونگے،ان خیالات کا اظہار پاکستان واپڈہ ہائیڈرو الیکٹرک سنٹرل لیبر یونین کے زونل چیئرمین شاہد باری چوہان نے اپنے دفتر میں دیگر یونین عہدیداران،ڈویژنل چیئرمین محمد انور بھٹی،وائس چیئرمین سردار شکیل احمد ڈوگر،سیکرٹری چوہدری ساجد خورشید،جوائنٹ سیکرٹری محمد کامران،چیئرمین سٹی سب ڈویڑن شاہد پرویز،غلام شبیر شاہ،مقصود احمد گجر،کفایت احمد بھٹی،راﺅ عبدالخالق اور محمد ظفر گجر کے ہمراہ ہنگامی پریس کانفرنس سے خطاب کرتے ہوئے کیا انہوں نے کہا کہ کسان اتحاد ایک غنڈہ گرد تنظیم بن چکی ہے آئے روز نادھندگان کو تحفظ فراہم کرنے اور بجلی چوروں کو بچانے کیلئے واپڈا ملازمین،دفاتر اور افسران کے ساتھ غنڈہ گردی،احتجاجی مظاہرے اور دھمکیوں سے بلیک میل کرنا ان کا وطیرہ بن چکا ہے امن و امان کو خراب کرنے کے علاوہ ٹریفک اور ٹرینیں روک کرناصرف انتظامیہ کو مفلوج کیا جا رہا ہے بلکہ واپڈا کے نظام کو بھی یرغمال بنا رکھا ہے کسان اتحاد کے ان غیر قانونی حربوں اور ریاست کے اداروں کو ناجائز کاموں کی خاطر بلیک میل کرنے سے مقامی انتظامیہ انکے سامنے بے بس نظر آ رہی ہے لیکن اب واپڈا ملازمین نے فیصلہ کیا ہے کہ وہ اپنے ساتھی ملازمین،افسران اور اداروں کے تحفظ کو یقینی بنانے کے لیے کسان اتحاد کی ان دھمکیوں سے خوفزدہ نہیں ہونگے اور اگر 17ستمبر یا اسکے بعدکسان اتحاد نے واپڈا دفاتر کا گھیراﺅ یا ادارے کے اندر داخل ہو کر کسی قسم کی بدنظمی یا قانون کو ہاتھ میں لینے کی کوشش کی تو واپڈا ملازمین پوری قوت سے ان کا منہ توڑ جواب دیں گے۔
About Author
