بھارت کے ساتھ تعلقات اچھے ہونے چاہیے لیکن کشمیر کے مسئلے کو اولیت دینی چاہیے۔علامہ ساجد نقوی

بورے والا(چوہدری اصغر علی جاوید سے)متحدہ مجلس عمل کے سنیئر نائب صدر علامہ ساجد علی نقوی نے کہا ہے کہ ہماری خارجہ پالیسی ایسی ہو جس سے ہمسایہ ممالک سے تعلقات اپنے مفادات کے تحفظ اور برابری کی بنیاد پر قائم ہوں،ان خیالات کا اظہار انہوں نے گذشتہ روز چوہدری فدا حسین جان ایڈووکیٹ کی رہائش گاہ پر میڈیا کے نمائندوں سے گفتگو کرتے ہوئے کیا اس موقع پر علامہ قاضی غلام مصطفی،علامہ نصرت حسین،علامہ غلام سجاد انیس،علامہ نسیم عباس جوادی،علامہ اعجاز حسین مہدی،علامہ سیف اللہ قمی،سید ذکی الحسن ہمدانی،علامہ تجمل عباس مہدی اور چوہدری ظلِ حسین کے علاوہ دیگر بھی موجود تھے انہو ں نے کہا کہ بھارت کے ساتھ تعلقات اچھے ہونے چاہیے لیکن کشمیر کے مسئلے کو اولیت دینی چاہیے امریکہ سے تعلقات کے بارے کئے گئے سوال کے جواب میں انہوں نے کہا کہ ڈو مور کے مطالبہ پر اس کو دو ٹوک اور صاف جواب دینا چاہیے اس میں کسی قسم کا کو ابہام نہیں ہونا چاہیے علامہ ساجد علی نقوی نے کہا کہ ملک میں ڈیم بنانے کیلئے جو کاوشیں ہو رہی ہیں وہ ناکافی ہیں ڈیم بنانے کا تخمینہ بہت زیادہ ہے اس کے لیئے بڑھ کر کوشش کرنے کی ضرورت ہے انہوں نے کہاکہ محرم الحرام میں ہم سب کو ملکر امن قائم کرنا چاہیے ان ایام میں تمام مسالک کے علماء اکرام کو امن و امان برقرار رکھنے کیلئے اپنا کردار بھرپور طریقے سے ادا کرنا چاہیے اور مذہبی منافرت پھیلانے والے عناصر پر کڑی نظر رکھیں۔