بیگم کلثوم نواز نے بدترین آمریت میں بھی جمہوریت کی بقاء کیلئے لازوال قربانیاں دیں۔خالد ڈوگر

بورے والا(چوہدری اصغر علی جاوید سے)مسلم لیگ(ن)کے ممبر پنجاب اسمبلی سردار خالد محمود ڈوگر نے کہا ہے کہ بیگم کلثوم نواز کی وفات سے ملک ایک بہادر مادرِ جمہوریت سے محروم ہو گیا ہے،بدترین آمریت میں بھی جمہوریت کی بقاءکیلئے لازوال قربانیاں دیں،بحالی جمہوریت کیلئے انکی جدوجہد ملکی تاریخ کا ایک سنہرا باب ہے،ملک کو فوجی آمریت سے نجات دلانے کیلئے میاں نواز شریف سمیت پورے خاندان کی جلاوطنی کے باوجود کلثوم نواز نے جرات مندی سے مردانہ وار ہر محاذ پر مقابلہ کیا وہ واحد پاکستانی خاتون ہیں جو تین مرتبہ ملک کی خاتون اول رہیں اور ساری زندگی اپنے اعلیٰ کردار اور جمہوری روایات کی پاسداری میں مخالفین کو بھی کبھی تنقید کا موقع نہیں دیا مادر جمہوریت کی وفات پر میاں محمد نواز شریف،میاں محمد شہباز شریف،حمزہ شہباز شریف،مریم نواز،حسن نواز،حسین نواز اور دیگر تمام اہل خانہ کے غم میں پوری قوم برابر کی شریک ہے،ان خیالات کا اظہار انہوں نے میڈیا سے گفتگو کرتے ہوئے کیا اس موقع پر ضلعی صدر مسلم لیگ(ن)یوتھ ونگ منظور برکت ماڑی والا،سنیئر مسلم لیگی راہنما سردار شاہد ڈوگر،خاں خالد خاں،راﺅ فضل الرحمن اور دیگر لیگی راہنما بھی موجود تھے۔