ضلع وہاڑی میں 2لاکھ 34ہزار پودے لگائے جا چکے ہیں۔عرفان علی کاٹھیا،طاہر اقبال

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کا ٹھیا نے کہا ہے کہ ضلع وہاڑی میں 2لاکھ34ہزار پودے لگائے جا چکے ہیں،شجرکاری مہم بھرپور طریقے سے جاری ہے،موجودہ سیزن میں 4لاکھ سے زائد پودے لگائے جائیں گے،سرکاری محکموں کے ساتھ ساتھ نجی شعبہ کے لوگ بھی بڑھ چڑھ کر شجرکاری مہم میں حصہ لے رہے ہیں،موجودہ حکو مت کے ویژن کے مطابق سرسبز پاکستان مہم کو کامیاب بنایا جائے گا،حکومت نے تمام پانچ سالہ ترقیاتی منصوبوں میں شجرکاری مہم کو لازمی قرار دیا ہے یہ پودے ہماری آنے والی نسلوں کیلئے ایک قیمتی اثاثہ ہے،ان خیالات کا اظہار انہوں نے بہاء الدین زکریا یونیورسٹی سب کیمپس وہاڑی میں چیمبر آف کامرس اینڈ انڈسٹریز وہاڑی کی طرف سے شجرکاری مہم کیلئے 5ہزار پودوں کی تقسیم کے موقع پر منعقدہ تقریب سے خطاب کرتے ہوئے کیا تقریب سے ایم این اے طاہر اقبال چوہدری،ڈائریکٹر بی زیڈ یو وہاڑی کیمپس ڈاکٹر وقاص ملک،صدر چیمبر آف کامرس اینڈ انڈسٹریز میاں خالد محمود،بانی چیمبر آف کامرس حافظ محمود احمد شاد،معروف سماجی شخصیت و سرسبز و شاداب بورے والا کے بانی شیخ شہزاد مبین،جنرل سیکرٹری خورشید انور،ممبران چیمبر آف کامرس عبدالرﺅف چوہدری،چوہدری اشرف نعیم،چوہدری آصف علی اور سید زاہد حسین مشہدی نے بھی خطاب کیا معروف سماجی شخصیت و سرسبز و شاداب بورے والا کے بانی شیخ شہزاد مبین نے خطاب کرتے ہوئے کہا کہ یکم اگست سے شجرکاری مہم کا آغاز کیا تھا اب تک بورے والا میں 30ہزار سے زائد پودے لگائے جا چکے ہیں اور آج وہاڑی میں بھی اس مہم کا آغاز کیا ہے اور پورے عزم کے ساتھ شجرکاری مہم کو جاری رکھیں گے تقریب میں پروفیسر جاوید اقبال،صدر ”ایمرا“ ندیم انجم سندھو،صدر پریس کلب اصغر علی جاوید(کامریڈ)،جنرل سیکرٹری چوہدری اصغر علی جاوید،ندیم مشاق رامے،محمد شیر خاں کھچی،محمد لطیف خلجی،عدیل مختار ایڈووکیٹ،ندیم کیانی،غضنفر علی،سید سجاد بخاری،انجمن تاجران وہاڑی کے صدر طاہر شریف گجر اور دیگر معز زین شہر بھی مو جو د تھے بعدازاں ڈپٹی کمشنر عرفان علی کا ٹھیا،ممبر قومی اسمبلی طاہر اقبال چوہدری اور شیخ شہزاد مبین نے شجرکاری مہم کا افتتاح کیا اور مختلف لوگوں میں پودے تقسیم کیے۔