بورے والا میں پی ٹی آئی کے امیدواروں کو مخالفین نے نہیں بلکہ تحریک انصاف نے ہرایا ہے۔خالد نثار ڈوگر
بورے والا(چوہدری اصغر علی جاوید سے)پاکستان تحریک انصاف کے راہنما و سابق امیدوار صوبائی اسمبلی بیرسٹر خالد زبیر ڈوگر نے کہا ہے کہ تحصیل بورے والا میں تحریک انصاف کے امیدواروں کو مخالفین نہیں بلکہ تحریک انصاف نے ہرایا ہے،ان خیالات کا اظہار انہوں گذشتہ روز اپنی رہائش گاہ پر عمران خان کے وزیر اعظم منتخب ہونے کی خوشی میں اپنے حلقہ انتخاب کے لوگوں،پی ٹی آئی کے عہدیداروں،ورکروں اور نمائندہ افراد کے اعزاز میں دیئے گئے عصرانے سے خطاب کرتے ہوئے کیا اس موقع پر چوہدری احسان اللہ چیمہ،سفیان خان سلدیرا،سردار راشد عظیم،ندیم سندھو ایڈووکیٹ،محمد اکرم بھٹی،کشف العارفین،سردارتیمور سکندر ڈوگر اور سابق امیدوار صوبائی اسمبلی حلقہ پی پی229 پیر ہمایوں افتخار چشتی کے علاوہ دیگر بھی موجود تھے انہوں کہا کہ پی ٹی آئی کے امیدواروں کی مخالفت کرنے والے عمران خان کے وزیر اعظم منتخب ہونے پر کس منہ سے مبارکباد یں دے رہے ہیں پی ٹی آئی کے کارکن مایوس نہ ہوں انکو حکومتی اداروں میں مکمل احترام دیا جائے گا،سردار خالد زبیر ڈوگر نے مزید کہا کہ کا رکن ابھی سے بلدیاتی انتخابات کیلئے تیاری شروع کریں اس میں کارکنوں کو اور انکی مشاورت سے ٹکٹ دیئے جائیں گے اس سلسلہ میں بیس رکنی مشاورتی کمیٹی قائم کی جائیگی تقریب میں عمران خان کے وزیر اعظم منتخب ہونے کی خوشی میں کیک بھی کاٹا گیا۔
About Author
