ڈی پی ایس بورے والا ضلع وہاڑی کا ایک بہترین تعلیمی ادارہ بن چکا ہے۔عرفان علی کاٹھیا

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ ہمیں اپنے طلبا و طالبات کی بہترین خطوط پر تعلیم و تربیت کرنی ہے تاکہ وہ پاکستان کا پوری دنیا میں نام روشن کر سکیں اور ملک کی ترقی میں اہم کردار ادا کریں،ڈویژنل پبلک سکول بورے و الا کے طلبہ و طالبات نے میٹرک کے امتحان ملتان بورڈ میں پوزیشنز حاصل کر کے بہترین کارکردگی کا مظاہرہ کیا ہے جس پر سربراہ ادارہ،اساتذہ،والدین،طلباء و طالبات مبارک باد اور خراج تحسین کے مستحق ہیں،ان خیالات کا اظہار انہوں نے ڈویژنل پبلک سکول بورے والا میں جشن آزادی اور تقسیم انعامات کی تقریب سے خطاب کرتے ہوئے کیا اس موقع پر اسسٹنٹ کمشنر محمد عظیم ربانی،ڈی ایم او ڈاکٹر ایاز خان،مسلم لیگی راہنما سردار شاہد ڈوگر،پرنسپل ڈی پی ایس بو رے والا اصلاح الدین،ایم ایس ٹی ایچ کیو ہسپتال بورے والا ڈاکٹر امجد شکیل،ڈی ایم ایس ڈاکٹر عمران بھٹی،رینج فریسٹ آفیسر محمد یونس،ڈاکٹر محمد سجاد،صدر انجمن تاجران ضلع وہاڑی جمیل بھٹی،محمود غزنی،اساتذہ اور طلباء و طالبات بھی موجود تھے ڈپٹی کمشنر عرفان علی کاٹھیا نے مزید کہا کہ ڈی پی ایس بورے والا ایک بہترین تعلیمی ادارہ بن چکا ہے اس کے پرنسپل اصلاح الدین چوہدری بہترین انتظامی صلاحیتوں کے مالک ہیں تقریب میں طلباء و طالبات نے آزادی پاکستان کے حوالے سے تقاریر،ملی نغمے اور ٹیبلو پیش کئے جنہیں حاضرین نے بہت سراہا قبل ازیں ڈپٹی کمشنر عرفان علی کاٹھیا،اسسٹنٹ کمشنر بورے و الا محمد عظیم ربانی،ڈسٹرکٹ مانیٹرنگ آفیسر ڈاکٹر ایاز خان اور مسلم لیگی راہنما سردار شاہد محمود ڈوگر نے ڈی پی ایس سکول میں پودے لگا کر شجرکاری مہم کا آغاز کیا۔