عوام نے مجھے بھاری مینڈیٹ سے کامیاب کروایا میں بھی انکی توقعات پر پورا اتروں گا۔یوسف کسیلیہ

بورے والا(چوہدری اصغر علی جاوید سے)پاکستان مسلم لیگ(ن) کے نومنتخب ممبر صوبائی اسمبلی چوہدری محمد یوسف کسیلیہ نے کہا ہے کہ تحصیل بورے والا کی عوام نے مسلم لیگ(ن) کے ساتھ وفاداری کر کے یہ ثابت کر دیا کہ وہ نظریات اور تعمیر و ترقی کو ووٹ دیتے ہیں،بورے والا سے مسلم لیگ(ن) نے کلین سویپ کیا جو عوام کی (ن)لیگ سے وفاداری کا مظہر ہے میری کامیابی اللہ تعالیٰ کے خصوصی کرم اور حلقہ کے عوام کی جیت ہے عوام نے جس طرح مجھے پزیرائی بخشی ہے میں ان کا شکر گزار ہوں عوام نے مجھے شاندار کامیابی سے ہمکنار کیا انشاءاللہ جس طرح عوام نے مجھے بھاری مینڈیٹ سے کامیاب کروایا میں بھی انکی توقعات پر پورا اتروں گا پہلے سے کہیں زیادہ بڑھ چڑھ کر خدمت کروں گا میرے گھر کے دروازے ہر وقت حلقہ کی عوام کے لیے کھلے ہیں جماعت نے جس طرح الیکشن میں میری حوصلہ افزائی کی اور اپنی محبتوں سے نوازا ہمیشہ یاد رکھوں گا،ان خیالات کا اظہارانہوں نے اپنے ڈیرے پر مبارک باد دینے کیلئے آنے والے مرکزی جمعیت اہلحدیث ضلع وہاڑی کے نائب امیر پروفیسر احمد کامران تھہیم کے ہمراہ جماعت کے وفد سے ملاقات کے بعد گفتگو کرتے ہوئے کیا اس موقع پر رانا راشد احسان،حافظ مقصود گجر،عبدالستار شاہد،ابوبکر صدیق،عبدالغفار کھوکھر،محمد شہباز ایوب،چوہدری محمد یونس،ڈاکٹر منور،شاہد محمد سلیم جموں،مشتاق احمد رحمانی،قاری محمد لیاقت،عبدالرزاق بھولا کے علاوہ کثیر جماعتی افراد موجود تھے۔