شہر کی سب سے گنجان بڑی آبادی میں پندرہ روز سے واٹر سپلائی ٹیوب ویل بند،چیئرمین سے نوٹس لینے کا مطالبہ
بورے والا(چوہدری اصغر علی جاوید سے)شہر کی سب سے گنجان بڑی آبادی میں پندرہ روز سے واٹر سپلائی ٹیوب ویل بند،ہزاروں علاقہ مکین صاف پانی سے محروم،ٹیوب ویل کا پرانا بور مستقل بند ہونے کے بعد نیا بور نہ کیا جا سکا،آبادی کا اکثر حصہ بدبودار اور سیویج ملا پانی استعمال کرنے پر مجبور،گندے پانی کے استعمال سے سینکڑوں افراد وبائی امراض کا شکار،چیئرمین بلدیہ سے فوری نوٹس لینے کا مطالبہ،تفصیلات کے مطابق بورے والا شہر کی سب سے بڑی اور گنجان آبادی مدینہ کالونی جو کہ 40ہزار سے زائد نفوس پر مشتمل ہے اس آبادی میں الیکشن سے چند روز قبل گلی نمبر7مدینہ کالونی میں نصب ٹیوب ویل کا بور بھی مکمل طور پر ناکارہ ہونے سے یہ ٹیوب ویل مستقل طور پر بند کر دیا گیا اور ہنگامی بنیادوں پر متبادل بور کرنے کی بجائے اس پر چشم پوشی اختیار کر رکھی ہے اس بڑی آبادی میں اب صرف تین ٹیوب ویل کام کر رہے ہیں جو ناکافی ہیں جس کی وجہ سے پوری آبادی میں عوام پینے کے صاف پانی سے مکمل محروم ہو چکے ہیں بلکہ اکثر علاقوں میں سپلائی کے وقت بھی سیوریج ملا بدبودار پانی آتا ہے جو کہ شہریوں کی زندگیوں کیلئے ایک بڑا خطرہ بن چکا ہے سینکڑوں افراد بدبودار مضر صحت پانی کے استعمال سے خطرناک وبائی اور مہلک امراض کا شکار ہو چکے ہیں اس افسوسناک صورتحال پر پبلک ویلفیئر سوسائٹی مدینہ کالونی کے صدر حاجی عبدالغفور،حاجی عبدالشکور بھٹی،چوہدری مشتاق احمد جٹ،حاجی عبدالغنی انصاری،حاجی محمد اسلم انصاری،میاں محمد اشرف،میاں محمد آصف،مرزا محمد رمضان اور دیگر اہل علاقہ نے چیئرمین بلدیہ سے مطالبہ کیا ہے کہ بند ہونے والے واٹر سپلائی ٹیوب ویلز کا متبادل بور کروا کے اسے فوری چالو کیا جائے اور اہل علاقہ کو پینے کے صاف پانی کی فراہمی یقینی بنائی جائے۔
About Author
