ملی مسلم لیگ نے حلقہ پی پی230 سے آزاد امیدوار چوہدری ارشاد آرائیں کی حمایت کا اعلان کر دیا
بورے والا(چوہدری اصغر علی جاوید سے)ملی مسلم لیگ نے حلقہ پی پی230 سے آزاد امیدوار چوہدری ارشاد احمد آرائیں کی حمایت کا اعلان کر دیا،ملی مسلم لیگ کی حمایت سے چوہدری ارشاد کی پوزیشن مزید مستحکم ہو گئی،ملی مسلم لیگ نے حلقہ پی پی230 سے آزاد امیدوار سابق ایم پی اے چوہدری ارشاد احمد آرائیں کی مکمل حمایت کا اعلان کر دیا،مقامی ہوٹل میں منعقدہ پریس کانفرنس کے دوران ملی مسلم لیگ ضلع وہاڑی کے انچارج رانا محمد شفیق اور تحریک اللہ اکبر کے امیدوار صوبائی اسمبلی حلقہ پی پی231 میاں عبداللہ وٹو نے کہا کہ ہے کہ ملی مسلم لیگ ملک کی جغرافیائی اور نظریاتی سرحدوں کی حفاظت کامشن لے کر ملک بھر میں محب وطن اور ملکی مفادات پر سمجھوتہ نہ کرنے والے افراد کو موجودہ سیاسی نظام میں آگے لانا چاہتی ہے ملک بھر میں ملی مسلم لیگ 300سے زائد حلقوں میں باقاعدہ اپنے امیدواروں کے ساتھ الیکشن میں حصہ لے رہی ہے جبکہ جن حلقوں میں ہمارے امیدوار نہیں ہیں وہاں ہم دیانتدار اور ملک سے مخلص امیدواروں کی مکمل حمایت کر رہے ہیں چوہدری ارشاد احمد آرائیں کا کردار اور انکی قومی سوچ کی وجہ سے ملی مسلم لیگ انکی حمایت کا اعلان کرتی ہے اور ہمارے کارکنان نہ صرف انکی کامیابی کے لیے گلی گلی محلے محلے اور دیہات میں جا کر ووٹ مانگیں گیں بلکہ الیکشن کے روز پولنگ اسٹیشنوں پر ہر قسم کی دھونس دھاندلی کو پوری قوت سے روکیں گے اب یہ الیکشن چوہدری ارشاد کا نہیں بلکہ ہمارا الیکشن ہے جس میں انشاءاللہ ہم واضح کامیابی حاصل کریں گے ہماری حمایت غیر مشروط ہے ہمارا ہر ورکر دن رات محنت کر ے گا پریس کانفرنس سے خطاب کرتے ہوئے امیدوار صوبائی اسمبلی چوہدری ارشاد احمد آرائیں نے کہا کہ ملی مسلم لیگ کی حمایت سے ہماری انتخابی مہم کو غیر معمولی تقویت ملے گی اور ہم ملی مسلم لیگ کے قائد پروفیسر حافظ محمد سعید کے مشکور ہیں انکی قومی سوچ اور ملکی سرحدوں پر ملک دشمنوں کے خلاف سیسہ پلائی دیوار بن کر جانوں کے نذرانے پیش کرنے کو خراج تحسین پیش کرتے ہیں وہ واحد قومی لیڈر ہیں جنہوں نے ملک کی جغرافیائی اور نظریاتی سرحدوں کی حفاظت کو ہمیشہ مقدم سمجھا ہے انشاءاللہ ہم کامیاب ہو کر قومی سوچ کے ساتھ پوری دیانتداری سے اس ملک و قوم کی خدمت جاری رکھیں گے پریس کانفرنس سے سابق صدر بار مہر طاہر امجد نے بھی خطاب کیا جبکہ اس موقع پر رانا غلام مرتضیٰ،ملک فرقان یوسف،حافظ عابد شریف،لیاقت گجر،ڈاکٹر مشتاق،جابر علی بھٹی،محمد اعظم بھٹی،ڈاکٹر اقبال،قیصر عبداللہ،جاوید چوہان،حافظ یٰسین اور دیگر نمائندہ شخصیات کی کثیر تعداد بھی موجود تھی۔
About Author
