حبیب بنک وہاڑی بازار برانچ صارفین کے لئے وبال جان بن گیا،صارفین شدید مشکلات سے دو چار

بورے والا(چوہدری اصغر علی جاوید سے)حبیب بنک وہاڑی بازار برانچ صارفین کے لئے وبال جان بن گیا،کوئی پرسان حال نہیں،صارفین شدید مشکلات سے دو چار،اصلاح احوال کا مطالبہ،تفصیلات کے مطابق حبیب بنک وہاڑی بازار برانچ میں صارفین کو شدید مشکلات کا سامنا کرنا پڑ رہا ہے شدید گرمی اور حبس میں بنک کے باہر لمبی قطاریں لگوا کر شہریوں بزرگ اور خواتین کو انتظار کروا کرخوار کیا جانا معمول بن چکا ہے بنک عملہ ٹس سے مس ہوئے بغیر خوش گپیوں میں مصروف عمل نظر آتا ہے۔ اپنی جان پہچان یا بڑے اکاﺅنٹ ہولڈرز کی مشروبات سے تواضع کی جاتی ہے اور دوسری طرف باقی صارفین دھکے کھانے پر مجبور ہیں بزرگ شہریوں کا کہنا ہے کہ گھنٹوں انتظار کے بعد معمولی بہانہ بنا کر دوسری برانچ میں اکاﺅنٹ رکھنے والوں کو سب برانچز میں دھکیل دیا جاتا ہے اور بزرگ اور خواتین مین برانچ اور سب برانچ میں فٹ بال بنا دیئے جاتے ہیں شکایات کی صورت میں بنک عملہ کو رویہ انتہائی غیر مناسب اور تضحیک آمیز ہو جاتا ہے۔صارفین کو اپنی ہی رقم اور لاکر سے قیمتی اشیاء کے حصول کے لیئے شدید مشکلات کا سامنا کرنا کسی المیہ سے کم نہی شہریوں نے بنک کے اعلی افسران سے اصلاح و احوال کا مطالبہ کیا ہے اور شدید احتجاج کرتے ہوئے کہا کہ اگر بنک کے عملے کا یہی ناروا سلوک صارفین کے ساتھ رہا تو مجبوراً اکاﺅنٹ ہولڈرز اپنے اکاﺅنٹ دوسرے بنک میں لے جانے پر مجبور ہونگے۔