ن لیگی امیدواران کا تابڑ توڑ جوڑ توڑ،20 سے زائد کونسلرز کی حمایت کا دعوی،لیگی امیدواروں کی پوزیشن مضبوط

بورے والا(چوہدری اصغر علی جاوید سے)ن لیگی امیدواران کا تابڑ توڑ جوڑ توڑ،20 سے زائد بلدیاتی کونسلرز کی حمایت کا دعوی،13 کونسلرز نے باقاعدہ حمایت کا اعلان کر دیا،آئندہ دو روز میں اہم کامیابی کا امکان،لیگی امیدواروں کی پوزیشن مضبوط،مدمقابل امیدواروں کے کئی حامی مضبوط ڈھڑوں نے ہوا کا رخ دیکھ کر ہمدردیاں تبدیل کرنے کی یقین دہانی کروا دی،تفصیلات کے مطابق الیکشن2018ء کے سلسلہ میں جو توڑ کا سلسلہ آخری مراحل میں داخل ہوتے ہی مسلم لیگ(ن) کے امیدوار قومی اسمبلی این162 چوہدری فقیر احمد آرائیں اور امیدوار صوبائی اسمبلی حلقہ پی پی230 سردار خالد محمود ڈوگر کے مخالف کیمپوں پر تابڑ توڑ حملوں کا کام شروع ہو گیا آج (ن)لیگ کے ورکرز کنونشن میں لیگی کیمپ کی جانب سے بلدیہ بورے والا کے 20سے زائد کونسلروں کی حمایت حاصل ہونے کا دعوی سامنے آ گیا اس تقریب میں سینکڑوں لیگی کارکنان اور امیدواران کے علاوہ سردار ساجد ڈوگر،چیئرمین یوسی کاشف رامے،ملک محمد اکرم،ضلعی صدر انجمن تاجران محمد جمیل بھٹی،چوہدری صغیر رامے،بلال حمید بٹ،ضلعی صدر یوتھ ونگ منظور برکت ماڑی والا،شاہد نواب خاں،یٰسین بھٹی اور دیگر نمائندہ شخصیات کی موجودگی میں سٹیج پر موجود بلدیہ کے کونسلرز حاجی عبدالغفار بھٹی،سردار ظہور احمد ڈوگر،سردار فلک شیر ڈوگر،رانا مظہر مختار،رانا شاہد سرور،چوہدری شریف چیمہ،ملک رحمت علی،ملک امتیاز احمد،ثناء اللہ رحمانی،محمد جمیل شاہد،راﺅ عبدالغفار،رانا مظہر مختار اور سرفراز شریف نے (ن)لیگ کے پورے پینل کی حمایت کا اعلان کر دیا اس ورکرز کنونشن میں سابق ایم این اے چوہدری نذیر احمد آرائیں،(ن)لیگی امیدواران چوہدری فقیر احمد آرائیں،سردار خالد محمود ڈوگر،ضلعی صدر انجمن تاجران محمد جمیل بھٹی،لیگی راہنماء خان خالد خان اور محمد اسلم جمال نے اپنے خطاب میں کہا کہ نواز شریف کو جیل بھیج کر خوشیاں منانے والوں کا 25جولائی کو جو حشر ہو گا وہ پوری قوم دیکھے گی اور جو لوگ (ن)لیگ کو کمزور سمجھ رہے ہیں انہیں نتائج دیکھ کر اپنی عوامی مقبولیت کا اندازہ ہو جائے گا آئندہ چند روز میں بورے والا کے عوام کو ایک بڑا سرپرائز دیں گے عوام کے ووٹ لیکر بیرون ملک فرار ہونے والوں کو اب بورے والا سے فرار نہیں ہونے دیں گے اور شکست سے دوچار کرینگے 25جولائی ووٹ کو عزت دینے والوں کا مقابلہ ووٹ کے تقدس کو پامال کرنے والوں کے ساتھ ہے انشاءاللہ ووٹ کو عزت دینے والوں کو فتح نصیب ہوگی۔