پی ٹی آئی ٹکٹ کے امیدواروں سے انٹر ویو مکمل،این اے162اور163سے خالد چوہان اور اسحاق خاکوانی میدان میں

بورے والا(چوہدری اصغر علی جاوید سے)پی ٹی آئی ٹکٹ کے امیدواروں سے انٹر ویو مکمل،بورے والا سے قومی اسمبلی کے دو اور صوبائی اسمبلی کے چار حلقوں سے16امیدوار انٹر ویو کمیٹی کے سامنے پیش،این اے162 اور 163سے صرف دو امیدواروں نے درخواستیں دیں،تفصیلات کے مطابق پی ٹی آئی نے آئندہ الیکشن میں حصہ لینے کے خواہشمند امیدواروں سے جو درخواستیں وصول کی تھیں جنوبی پنجاب کے اضلاع سے خواہشمند امیدواروں سے انٹر ویو کے لیے اسحاق خاں خاکوانی،عون عباس پپی،کوآرڈینٹر جنوبی پنجاب جاوید خاں لغاری اور خالد جاوید وڑائچ پر مشتمل پارلیمانی بورڈ نے تمام اضلاع کے امیدواروں سے انٹر ویو کا آغاز کر دیا این اے162 بورے والا سے صرف ضلعی صدر پی ٹی آئی چوہدری خالد محمود چوہان اور این اے163 سے بھی ایک ہی امیدوار اسحاق خاں خاکوانی کی درخواستیں سامنے آئیں پی پی229 کیلئے چوہدری سرفراز اقبال گھمن،چوہدری نعیم اعجاز اور ملک افتخار احمد اعوان،پی پی 230سے غلام مصطفےٰ بھٹی،ملک فاروق احمد اعوان،امجد حمید چوہان اور ملک ناصر محمود اعوان،پی پی231سے چوہدری طارق محمود باجوہ،ایوب خاں سلدیرا،سکندر خاں دولتانہ اور صاحبزادہ ناصر محمود جبکہ پی پی232 ماچھیوال سے اعجاز سلطان بندیشہ،ملک محمد علی لنگڑیال اور میاں اعجاز خاں دولتانہ بطور امیدوار پارلیمانی بورڈ کے سامنے پیش ہوئے اس موقع پر پارٹی نے امیدواروں سے درخواستوں کی وصولی کیلئے 13مئی تک کی توسیع بھی کر دی ہے تا کہ اگر مذید کوئی امیدوار درخواست دینا چاہے تو اُسے 7روز کی مہلت د ے دی گئی ہے۔