تفریحی پروگراموں کا مقصد عوام کو خوف اور گھٹن کے ماحول سے نکال کر ایک پرامن ماحول فراہم کرنا ہے۔علی اکبر بھٹی
بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی،ارکان اسمبلی چوہدری نذیر احمد آرائیں،چوہدری ارشاد احمد آرائیں اور چیئرمین بلدیہ چوہدری محمد عاشق آرائیں نے کہا ہے کہ تفریحی پروگراموں کا مقصد عوام کو خوف اور گھٹن کے ماحول سے نکال کر ایک پرامن اور صحت مند ماحول فراہم کرنا ہے،حکومت عوام کو صحت مند تفریح کے مواقع فراہم کر رہی ہے، دہشت گردی کے خوف سے ملک میں تفریح کا تصور بھی نہیں تھا لیکن مسلح افواج اور دیگر سیکورٹی اداروں نے ملک سے دہشت گردوں کا خاتمہ کرکے ملک میں امن و سکون کی فضا بحال کی ہے جس کی بدولت آج پاکستان ایک پرامن ملک بن کر ترقی کی راہ پر گامزن ہے،خادم اعلیٰ پنجاب میاں شہباز شریف کا یہ مشن ہے کہ خوف کی فضا کا خاتمہ کرکے عوام کو پرسکون اور پرامن ماحول کی فراہمی کو یقینی بنایا جائے،ان خیالات کا اظہار انہوں نے میونسپل کمیٹی بورے والا کے زیر اہتمام قائد اعظم سٹیڈیم بورے والا میں جشن بہاراں کے سلسلہ میں منعقدہ سالانہ 3روزہ فلاور شو کی افتتاحی تقریب سے خطاب کرتے ہوئے کیا سٹیج سیکرٹری کے فرائض پروفیسر کرامت شکیل نے انجام دیئے جبکہ تقریب میں اسسٹنٹ کمشنر بورے والا راﺅ تسلیم اختر،چیف آفیسر بلدیہ راﺅ محمد علی،ڈی ایس پی طاہر مجید ملک،وائس چیئرمین بلدیہ حاجی محمد افتخار بھٹی،چوہدری اطہر غفور،کونسلرز بلدیہ بورے والا میاں خالد حسین،ایاز محمود گھمن،سردار ظہور احمد ڈوگر، چوہدری عمران غفور،سیٹھ اسرار احمد،چوہدری محمد علی،ملک امتیاز حسین،عبدالخالق ٹھیکہ،سردار فلک شیر ڈوگر،چوہدری عبدالرﺅف،شیخ عمران اسلم،ضلعی صدر انجمن تاجران محمد جمیل بھٹی، ضلعی صدر مسلم لیگ(ن)یوتھ ونگ منظور برکت ماڑی والا،شیخ محمد اسلم اور دیگر نمائندہ شخصیات بھی موجود تھیں۔
About Author
