نئی نسل کو تعلیم کے ساتھ ساتھ نظم و ضبط سکھانا بے حد ضروری ہے۔سید ساجد مہدی سلیم
بورے والا(چوہدری اصغر علی جاوید سے)پارلیمانی سیکرٹری سید ساجد مہدی سلیم شاہ نے کہا ہے کہ نئی نسل کو تعلیم کے ساتھ ساتھ نظم و ضبط سکھانا بھی بے حد ضروری ہے،نظم و ضبط میں رہتے ہوئے علم کی منازل طے کرنی والی قومیں ہمیشہ کامیاب ہوتی ہیں،دنیا میں آج تک جن قوموں نے بھی ترقی کی ہے وہ تعلیم کی بدولت ہے،بدقسمتی سے پچھلے70سال سے تعلیم کی طرف کم توجہ دی گئی ہے جس کی وجہ سے ہمارا لٹریسی ریٹ ہم سے بعد میں آزاد ہونے والے ملکوں سے بھی کم ہے اور بجٹ میں تعلیم کا 2فیصد جی ڈی پی کا رکھا جاتا ہے جو اونٹ کے منہ کے زیرہ کے مترادف ہے،ان خیالات کا اظہار انہوں نے دی سٹریم سکول بورے والا کیمپس کے افتتاح کے موقع پر منعقدہ تقریب سے خطاب کرتے ہوئے کیا تقریب سے پروجیکٹ ڈائریکٹر دی سٹریم سکول سسٹم شکیل امجد،چیئرمین سٹریم سکول فرحان بھٹی،وائس پرنسپل گورنمنٹ کالج پروفیسر راشد سدھو اور دیگر نے بھی خطاب کیا سٹریم کا سلیبس اکنامکس ایجوکیشن سسٹم ہے پاکستان کا معاشی نظام مضبوط ہو گا تو ہمارا سیاسی اور تعلیمی نظام بھی مضبوط ہو گا ان تمام چیزوں کو مد نظر رکھتے ہوئے ہم نے اپنا سیلبس ترتیب دیا ہے ہمارے اساتذہ کو علم کی نہیں تربیت کی ضرورت ہے ہمیں مضبوط پاکستان کیلئے ہر شعبہ زندگی میں ماہر لوگوں کی ضرورت ہے اس میں اساتذہ،ڈاکٹر، انجیئر،سانس اور زراعت کے ساتھ پر شعبہ سے تعلق رکھنے والے لوگوں کی ضرورت ہے تب حقیقی معنوں میں پاکستان ترقی کرے گا تقریب میں امیدوار صوبائی اسمبلی سردار خالد محمود ڈوگر، چیئرمین یوسی پیر عامر ممتاز چشتی،نثار ولیکا،سٹی صدر پی ٹی آئی ملک فاروق احمد اعوان،ملک سعید اعوان،سید توقیر شاہ،سید ندیم شاہ،عامر اویس،سابق ناظم ملک مشتاق احمد اعوان،ہیڈ ماسٹر ملک سجاد حسین،صدر”ایمرا“ندیم انجم سندھو،جنرل سیکرٹری چوہدری اصغر علی جاوید،سرفراز علی رانا،مسعود عابد،محمد شیر خاں کھچی اور نمائندہ شہریوں نے بھی موجود تھے۔
About Author
