ماحولیاتی آلودگی ایک بڑا چیلنج ہے جس کا مقابلہ کرنے کیلئے ہمیں اپنے ماحول کو سرسبز و شاداب بنانا ہو گا۔راﺅ تسلیم اختر
بورے والا(چوہدری اصغر علی جاوید سے)گرین ریوولیشن تنظیم کی طرف سے شہر میں ایک لاکھ پودے لگانے کے حوالہ سے سیمینار کا انعقاد،اسسٹنٹ کمشنر کے علاوہ سماجی شخصیات،طلباء، ریسکیو اہلکاروں اور نمائندہ شہریوں کی شرکت،تفصیلات کے مطابق سماجی تنظیم گرین ریوولیشن کے زیر اہتمام بورے والا شہر اور گردونواح میں سرسبز بورے والا مہم کے حوالے سے ایم سی ماڈل ہائی مقامی سکول میں سیمینار کا انعقاد کیا گیا جس میں اسسٹنٹ کمشنر بورے والا راﺅ تسلیم اختر،سماجی تنظیموں کے نمائندگان،طلباء،ریسکیو 1122،مختلف محکموں کے افسران اور نمائندہ شہریوں نے شرکت کی جس میں تنظیم کے صدر مطاہر جمیل رامے نے بریفنگ دیتے ہوئے بتایا کہ انتظامیہ اور سماجی شخصیات کے تعاون سے شہر اور گردونواح میں ایک لاکھ پودے لگانے کا جو ہدف مقرر کیا ہے اسے مرحلہ وار مکمل کیا جائے گا اسسٹنٹ کمشنر راﺅ تسلیم اختر نے کہا کہ ماحولیاتی آلودگی اس وقت ہمارے لئے ایک بڑا چیلنج ہے جس کا مقابلہ کرنے کے لئے ہمیں اپنے ماحول کو سر سبز و شاداب بنانا ہو گا اور اس کام کو قومی جذبے سے کرنا ہو گا درخت لگانا ضروری ہے لیکن اس سے کہیں زیادہ اہم بات انکی حفاظت کرنا ہے ہم سب کو ملکر اس چیلنج کا مقابلہ کرنا ہو گا تقریب میں سر سبز بورے والا مہم کے بارے میں شرکاءکو بریفنگ بھی دی گئی اس تقریب میں گلوبل یوتھ آرگنائزیشن کے چیئرمین سید سجاد حسین بخاری،ریسکیو 1122 کے انچارج مہدی حسن ظفر،ایس ڈی او انہار چوہدری محمد طارق،چوہدری قیصر محمود،سید زاہد حسین مشہدی،چوہدری اصغر علی جاوید،چوہدری جاوید اقبال،چوہدری عبد المجیب پوسوال اور دیگر شخصیات بھی موجود تھیں۔
About Author
