پنجاب کالج بورے والا میں خوبصورت ثقافتی میلے کا انعقاد،ثقافتی میلے میں چاروں صوبوں کی ثقافت کو حقیقی انداز میں پیش کیا گیا

بورے والا(چوہدری اصغر علی جاوید سے)پنجاب کالج بورے والا میں خوبصورت ثقافتی میلے کا انعقاد،ثقافتی میلے میں چاروں صوبوں کی ثقافت کو حقیقی انداز میں پیش کیا گیا،میلے میں طلباء و طالبات،والدین اور شہر کی نمائندہ شخصیات کی شرکت،اپنی نوعیت کے منفرد اور دلفریب میلے نے شرکاء کے دل موہ لیئے،پنجاب کالج کی انتظامیہ کو خراج تحسین،تفصیلات کے مطابق پنجاب کالج کینال کیمپس میں پرنسپل پروفیسر مجید اکبر کی زیر نگرانی طلباء اور کالج سٹاف کی خصوصی کاوش سے بورے والا کی تاریخ میں پہلی مرتبہ ایک ایسے کلچرل میلے کا انعقاد کیا گیا جس میں سندھ،بلوچستان،کے پی کے اور خصوصی طور پر پنجاب کی قدیم ثقافت کو روشناس کروانے کے لیے اُن چیزوں کا بھی عملی مظاہرہ کیا گیا جو کہ کسی بھی پرائیویٹ یا سرکاری تعلیمی ادارے کی طرف سے آج تک نہیں کیا جا سکا اس ثقافتی میلے میں دکھائی جانے والی پنجاب کی اُس قدیم ثقافت کو لفظوں میں بیان کرنا مشکل ہو گیا اور اِن تمام پرانے ثقافتی رنگوں کو عملہ صورت میں اس انداز سے پیش کیا گیا کہ کئی سو سال پرانی ثقافت کو موجودہ جدید دور کی نوجوان نسل نے بڑے انہماک سے دیکھا اس تین روزہ میلے کا باقاعدہ افتتاح اسسٹنٹ کمشنر راﺅ تسلیم اختر نے کیا اور انہوں نے اس خوبصورت ثقافتی میلے کے انعقاد پر پرنسپل پروفیسر مجید اکبر اور اُنکی ٹیم کو مبارک باد دی انہوں نے کہا کہ موجودہ جدید دور میں نئی نسل کو ہماری پرانی ثقافت سے روشناس کروانا اشد ضروری ہے ثقافت میں خلوص اور سچائی کے رنگ ہمیں اپنے ملک اور اسکی تہذیب سے محبت پر مجبور کرتے ہیں جو قومیں اپنی ثقافت سے پیار کرتی ہے وہ اپنی اصلیت نہیں کھوتیں ہماری ثقافت سے آنے والی خوشبو ہمیں اپنے اسلاف اور دھرتی سے جذباتی لگاﺅ کا درس دیتی ہے اس میلے میں معروف سماجی شخصیت شیخ شہزاد مبین،(ر)ماہر تعلیم پروفیسر جاوید اقبال،پی ٹی آئی کے راہنما چوہدری اعجاز اسلم،سینئر صحافی احمد وسیم شیخ،معروف شاعر و ادیب اے غفار پاشا،پروفیسر کرامت شکیل اور دیگر بھی موجود تھے۔