بورے والا میں زرعی یونیورسٹی کا سب کیمپس علاقے میں تعلیمی سہولیات کا بہت بڑا ذریعہ ہے۔محمد اقبال ظفر

بورے والا(چوہدری اصغر علی جاوید سے)وائس چانسلر زرعی یونیورسٹی فیصل آباد ڈاکٹر محمد اقبال ظفر نے کہا ہے کہ آج پوری دنیا کی نظریں پاکستان کی معیشت پر لگی ہو ئی ہیں،زراعت ہماری معیشت میں ریڑھ کی ہڈی کی حیثیت رکھتی ہے،کسانوں کو چاہیئے کہ وہ پیداوار میں اضافہ کیلئے زرعی ماہرین سے رجوع کریں،زرعی یونیورسٹی فیصل آباد کے تحقیقاتی ادارے اس سلسلہ میں ہمہ وقت حاضر ہیں،یونیورسٹی کی ویب سائیٹ میں تمام مفید مشورے موجود ہیں،بورے والا میں زرعی یونیورسٹی کا سب کیمپس علاقے میں تعلیمی سہولیات کا بہت بڑا ذریعہ ہے،ان خیالات کا اظہار انہوں نے زرعی یونیورسٹی سب کیمپس بورے والا میں منعقدہ کسان کنونشن سے خطاب کرتے ہوئے کیا کنونشن سے پرنسپل عبدالسلام،ڈاکٹر محمد رشید ڈائریکٹر کاٹن ریسرچ ملتان،ڈاکٹر صغیر احمد اور مثالی زمیندار کاشف خان خاکوانی نے بھی خطاب کیا ڈاکٹر صغیر احمد نے خطاب کرتے ہوئے کہا کہ ہمیں کپاس سے 10ارب ڈالر زرمبادلہ حاصل ہوتا ہے خوردنی تیل میں 70فیصد کپاس کی فصل کا ہوتا ہے جبکہ پنجاب میں 15لاکھ کی کاشتکار کپاس کی فصل سے منسلک ہے حکومت نے کپاس کے بیج کی اچھی ورائٹی کی تیاری 363ملین کی لاگت سے ایک پروجیکٹ منظور کیا ہے تاکہ کپاس کی فصل کو موسمیاتی تبدیلیوں کے مطابق وائرس اور دیگر بیماریوں سے محفوظ رکھا جا سکے ہماری حکومت نے امریکہ اور چائنا کے کپاس کے کاشتکاروں سے ایم او یو کیا ہے اور کاٹن کیلنڈر بھی تیار کیا ہے کنونشن سے خطاب کرتے ہوئے پرنسپل پروفیسر ڈاکٹر عبدالسلام نے کہا کہ بورے والا سب کیمپس میں اس وقت 16سو طلباء و طالبات تعلیم حاصل کر رہے ہیں انہوں نے سب کیمپس کی کامیابی کو علاقے کے منتخب اراکین اسمبلی اور سماجی راہنماﺅں کی کاوشوں سے تعبیر کیا اور کہا کہ وزیر اعظم سکیم کے تحت جنوبی پنجاب کے طلباء و طالبات کو ملنے والی فیسوں میں رعایت کے سلسلہ میں بورے والا کیمپس کی طرف سے ایک لاکھ 68ہزار روپے کی فیس واپس کر دی گئی ہیں اور یہاں 600سے زائد طلباء و طالبات مفت تعلیم حاصل کر رہے ہیں اس موقع پر چیئرمین ضلع کونسل وہاڑی پیر غلام محی الدین چشتی،وائس چیئرمین رانا شاہد سرور،مسلم لیگ(ن) راہنما و امیدوار صوبائی اسمبلی سردار خالد محمود ڈوگر،سماجی راہنما رانا طاہر کریم خان،وائس چانسلر محمد نواز شریف زرعی یونیورسٹی ملتان، پروفیسر ڈاکٹر محمد اشتیاق رجوانہ،پیر عامر ممتاز چشتی چیئرمین یونین کونسل،پیر محمد اقبال چشتی،نذیر رندھاوا ممبر ضلع کونسل،محمد ارشد جوئیہ،رانا طاہر نمبردار،کونسلر راﺅ عزیز الرحمٰن ،نعیم صابر چوہدری،چیئرمین یوسی پیر مطعیب چشتی،سردار محمد اقبال ڈوگر،محمد کاشف رامے سمیت علاقہ بھر کے نمائندہ کاشتکاروں اور زرعی ماہرین نے شرکت کی۔