سات مارچ تک اپنی فیس ڈسٹرکٹ کرکٹ ایسوسی ایشن وہاڑی کے اکاﺅنٹ میں جمع کروائیں۔ڈاکٹر آصف خان

بورے والا(چوہدری اصغر علی جاوید سے)ڈسٹرکٹ کرکٹ ایڈہاک کمیٹی وہاڑی کا اجلاس زیر صدارت چیئرمین ڈاکٹر آصف خان قائد اعظم سپورٹس سٹیڈیم میں منعقد ہوا اجلاس میں ضلع وہاڑی کے کرکٹ کلبوں کے عہدیداروں نے شرکت کی اجلاس میں ڈسٹرکٹ کرکٹ چیمپئن شپ دو سنٹروں وہاڑی اور بورے والا میں کروانے کا فیصلہ کیا گیا رجسٹرڈ اور پلینگ رائٹس والی کلبوں کے عہدیداروں کو ہدایت کی کہ وہ سات مارچ تک اپنی فیس ڈسٹرکٹ کرکٹ ایسوسی ایشن وہاڑی کے اکاﺅنٹ میں جمع کروائیں اجلاس میں زاہد خان برکی،سید سلیم حیدر رضوی،میاں حفیظ الرحمن، شہزاد قیصر خان کھچی،استاد سلیم،ملک عمردراز،ندیم حسین ڈاڈا،سلیم اکبر،حافظ آصف،خاور رشید، محمد وکیل بھٹی،سیدعلی عباس حیدر،سلمان خان،عامر عزیز،نوید انور،محمد اسلم شاہ،ڈاکٹر محسن رضا،زمرد حسین،محمد عمران،خاور اقبال،زاہد عالم واہلہ،راﺅ اکرم کے علاوہ دیگر بھی موجود تھے اجلاس میں مختلف کلبوں کے عہدیداروں ندیم حسین ڈاڈا،سلیم حیدر رضوی،زاہد خان برکی،علی عباس حیدر اور دیگر نے ڈسٹرکٹ کرکٹ چیمپئن شپ کروانے کے سلسلہ میں تجاویز دیں اور انہوں نے ڈسٹرکٹ ایڈہاک کرکٹ کمیٹی وہاڑی کی کارکردگی پر اطمینان کا اظہار کیا اس موقع پر ڈسٹرکٹ ایڈہاک کرکٹ کمیٹی کے چیئرمین ڈاکٹر آصف خان اور ممبر اصغرعلی جاوید نے کہا کہ چیئرمین کرکٹ بورڈ نجم سیٹھی اور دیگر بورڈ عہدیداروں نے ان پر اعتماد کرتے ہوئے جو ذمہ داری سونپی ہے وہ اسکو غیر جانبداری سے نبھائیں گے ضلع کے تمام کلبوں کے عہدیداران ان کیلئے قابل احترام ہیں ضلع میں کرکٹ کے فروغ کیلئے اپنا کردار بھرپور طریقے سے ادا کریں گے اجلاس کے اختتام پر سابق صدر ڈسٹرکٹ کرکٹ ایسوسی ایشن وہاڑی چوہدری محمد جاوید اقبال کے والد چوہدری محمد اقبال کے انتقال پر ان سے تعزیت کا اظہار کیا اور مرحوم کی روح کو ایصال ثواب کیلئے فاتحہ خوانی کی گئی۔