درخت لگانا صدقہ جاریہ ہے،ماحولیاتی آلودگی کے خاتمہ کیلئے درخت لگانا وقت کی اہم ضرورت ہے،علی اکبر بھٹی

بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے کہا کہ درخت لگانا صدقہ جاریہ ہے ماحولیاتی آلودگی کے خاتمہ کے لیے زیادہ سے زیادہ درخت لگانا وقت کی اہم ضرورت ہے،درخت لگانے کے بعد اسکی حفاظت کر کے اسے پروان چڑھانا سب سے زیادہ اہمیت کا حامل ہے،معاشرے کے ہر فرد کو نیک کاموں میں اپنا کردار ادا کرنا چاہیے،نیک نیتی سے کیئے جانے والے کاموں میں اللہ تعالیٰ کی مدد شامل حال ہوتی ہے اور اس میں کامیابی یقینی ہوتی ہے بورے والا میں شجرکاری کا خصوصی منصوبہ اس شہر کی خوبصورتی کیلئے ایک سنگ میل کی حیثیت رکھتا ہے،ان خیالات کا اظہار انہوں نے بورے والا شہر میں اسسٹنٹ کمشنر راﺅ تسلیم اختر،سماجی شخصیات اور نمائندہ شہریوں کی جانب سے شروع کیے گئے شجرکاری کے عظیم منصوبے کا افتتاح کرتے ہوئے ملتان روڈ پر پودا لگانے کے بعد منعقدہ تقریب میں خطاب کرتے ہوئے کیا تقریب سے خطاب کرتے ہوئے معروف سماجی شخصیت شیخ شہزاد مبین نے کہا کہ اس مہم کے دوران ملتان روڈ،لاہور روڈ،چیچہ وطنی روڈ اور دیوان صاحب روڈ پر سڑک کے دونوں جانب 5ہزار سے زائد نایاب اور قیمتی درخت لگائے جائیں گے جس کیلئے مخیر حضرات،مختلف تنظیموں،محکمہ جنگلات،ریسکیو 1122،محکمہ انہار،گرین ریوویشن،گلوبل یوتھ،بورے والا اپ ڈیٹس نیوز گروپ، انجمن تاجران اور نمائندہ شہریوں کی مدد حاصل کی گئی ہے لگائے جانے والے درختوں کی حفاظت اور انکی افزائش کے حوالہ سے شہریوں کو ذمہ دارانہ کردار ادا کرنا چاہیے اس موقع پر معروف سماجی شخصیت رانا طاہر کریم،ممبر بلدیہ سردار ظہور احمد ڈوگر،رینج فاریسٹ آفیسر چوہدری محمد یونس،ایس ڈی او انہار محمد طارق،انچارج ریسکیو1122 مہدی حسن،محمد شبیر،ضلعی صدر انجمن تاجران محمد جمیل بھٹی،چوہدری صغیر رامے،چوہدری رفعت طاہر،چوہدری غضنفر علی،سید سجاد حسین بخاری اور دیگر نمائندہ شخصیات بھی موجود تھیں۔