تحریک لبیک یارسول اللہﷺ کے زیر اہتمام مطالبات ختم نبوت کے سلسلہ میں جیل بھرو تحریک کا آغاز کر دیا گیا
لاہور(محمد جمیل بیگ جلالی سے)تحریک لبیک یارسول اللہﷺ کے زیر اہتمام مطالبات ختم نبوت کے سلسلہ میں جیل بھرو تحریک کا آغاز کر دیا گیا،تحریک لبیک یارسول اللہﷺ کے مرکزی چیئرمین ڈاکٹر محمد اشرف آصف جلالی نے 100عاشقان رسولﷺ کے ہمراہ وقت معین پر پنجاب اسمبلی کے سامنے چیئرنگ کراس پر پہنچے اس موقع پر عاشقان رسولﷺ کی ایک بڑی تعداد بھی گرفتاری پیش کرنے والے غلامان رسولﷺ کو الوداع کرنے کیلئے حاضر ہوئی کراچی میں بھی تحریک لبیک یارسول اللہﷺ صوبہ سند ھ کے امیر علامہ غلام مرتضیٰ نورانی کی قیادت میں کثیر تعداد میں کارکنان گرفتاریوں کے لئے حاضر ہوئے ڈاکٹر محمد اشرف آصف جلالی دیگر قائدین مفتی محمد عابد جلالی،پیر محمد اقبال ہمدمی،صاحبزادہ محمد امین اللہ نبیل سیالوی،صاحبزادہ سردار احمد رضا فاروقی،علامہ محمد طارق لطیف نقشبندی،علامہ فیض سلطان رضوی،صاحبزادہ مرتضیٰ علی ہاشمی ،علامہ فرمان علی جلالی،علامہ محمد صدیق مصحفی،مولانا امانت علی سرداری،مولانا محمد زوہیب جلالی،مولانا احسان الرحمن نورانی کے ہمراہ اپنی اور دیگر کارکنان کی گرفتاری کے لئے ایک بجے سے چار بجے تک پنجاب اسمبلی کے سامنے موجود رہے اس موقع پر پریس کانفرنس سے خطاب کرتے ہوئے انہوں نے کہا کہ منظور شدہ مطالبات پر عملدرآمد نہ کر کے حکمران اقتدار کا شرعی اور اخلاقی جواز کھو چکے ہیں پاکستان جیسی سلطنت میں ختم نبوت پر حملہ ہونا اور شدید جرم کے ثابت ہو جانے کے باوجود آج تک مجرموں کو سزا نہ ملنا بلکہ ان کا بے نقاب نہ ہونا ایک بہت بڑا المیہ ہے اس سے ثابت ہوتا ہے کہ حکمران خود ہی اس گناہ کے مجرم ہیں حلف نامہ ختم نبوت میں جو تبدیلی کی گئی یہ جان بوجھ کر اور دشمنان اسلام کے کہنے پر کی گئی چنانچہ ان مجرموں کو خواہ کتنے ہی بااثر ہوں بے نقاب کر کے سزا دی جائے ختم نبوت کے لئے اسیری دربار رسالتﷺ میں پیش کیا جانے والا معمولی سا نذرانہ ہے اس دربار میں تو جانوں کے بھی نذرانے پیش کیے جاتے ہیں انہوں نے کہا آج تو حکمران نشہ اقتدار میں دھت ہیں اور وہ ہماری بات نہیں سن رہے مگر کل الیکشن کمپین میں انہیں پتا چلے گا کہ وہ اپنا کتنا نقصان کر رہے ہیں انہوں نے کہا کہ ہم کل ان شاءاللہ دوبارہ ایک بجے پنجاب اسمبلی کے سامنے گرفتاریوں کے لئے آئیں گے اور چار بجے تک حکومتی ہتھ کڑیوں کا انتظار کریں گے ہم مطالبات کی منظوری تک اپنا احتجاج جاری رکھیں گے دنیا کی کوئی طاقت ہمیں احتجاج سے روک نہیں سکتی انہوں نے کہا کہ جیل بھرو تحریک عاشقان رسولﷺ کے خالص جذبوں کی ترجمان ہے جو ہر حال میں کامیاب ہو کر رہے گی کل اسلام آباد پریس کلب کے سامنے ڈاکٹر محمد ظفر اقبال جلالی اور مفتی محمد وقار مدنی کی قیادت میں عاشقان رسولﷺ اپنی گرفتاریوں کے لئے کھڑے ہوں گے انہوں نے کہا کہ ننھی زینب کے قتل میں ملوث تمام خفیہ ہاتھ بے نقاب کر کے انہیں قرار واقعی سزا دی جائے۔
About Author
