پی ٹی آئی یوتھ ونگ ورکرز اسحاق خاں خاکوانی کے فیصلوں کے خلاف سراپا احتجاج

بورے والا(چوہدری اصغر علی جاوید سے)پی ٹی آئی یوتھ ونگ اسحاق خاں خاکوانی کے فیصلوں کے خلاف سراپا احتجاج،منظور نظر شخص کو ضلعی صدر بنا کر کاکنان پر مسلط کیا گیا ہے ایسے فیصلے پارٹی کی تباہی کا باعث بن سکتے ہیں،ضلعی صدر انصاف یوتھ ونگ و دیگر عہدیداران و کارکنان کا رد عمل،تفصیلات کے مطابق انصاف یوتھ ونگ ضلع وہاڑی کے صدر مبین اشرف گجر ایڈووکیٹ،مرزاواجب علی،سردار شاہد ڈوگرایڈوکیٹ،امجد خان تجوانہ،وقاص رفیق بھٹی،احمد رضا، فیصل اعوان،کامران شاہد،اصغر بھٹی،حاجی سجاد احمد بھٹی،زاہد وٹو،احسان گجر،وقار بھٹی،ثاقب مغل،راﺅ طارق محمود،آصف گجر،ملک عمران،افضل بھٹی،محمد شمعون،نصراللہ،ثمر عباس،کاشف بھٹی،زین چوہدری،عاطف جٹ اور دیگر کارکنان نے پی ٹی آئی جنوبی پنجاب کے صدر اسحاق خاں خاکوانی کی جانب سے انصاف یوتھ ونگ کے نئے عہدیداران کی نامزدگی پر پارٹی پالیسی کے خلاف اور کارکنان کے جذبات کا قتل عام قرار دیا انہوں نے کہا انصاف یوتھ ونگ پارٹی کا علیحدہ ونگ ہے جس کی تنظیم سازی کا اختیار یوتھ ونگ کی صوبائی قیادت کو حاصل ہے اور یوتھ ونگ کل بھی زبیر خان نیازی اور امجد حمید چوہان کی قیادت میں چل رہی تھی اور آئندہ بھی چلے گی لیکن اسحاق خاں خاکوانی اور ضلعی صدر خالد محمود چوہان اپنے منظور نظر افراد کو جن کا پارٹی میں کوئی کردار نہیں انہیں قربانیاں دینے والے کارکنان پر مسلط کر دیا گیا ہے جو کسی صورت بھی قبول نہیں آمرانہ فیصلوں کے ذریعہ اصل کارکنان کو دیوار کے ساتھ لگایا جا رہا ہے جو ناصرف پارٹی کے تنظیمی ڈھانچے کے لئے بلکہ آئندہ الیکشن کے لئے بھی نقصان دہ ثابت ہو گا اگر ورکرز سے مشاورت کے بعد یوتھ ونگ یا مدر پارٹی کی تنظیم سازی میں ایسے آمرانہ فیصلوں کا سلسلہ بند نہ ہوا تو کارکنان ان فیصلوں کے خلاف سڑکوں پر آنے سے بھی دریغ نہیں کریں گے انہوں نے پارٹی کی مرکزی قیادت سے ایسے آمرانہ فیصلوں کا فوری نوٹس لینے کا مطالبہ کیا ہے۔