گھر سے لاکھوں روپے مالیت کے طلائی زیورات چوری،ساہوکا پولیس ملزمان سےمل گئی،انصاف فراہم کرنے کا مطالبہ

بورے والا(چوہدری اصغر علی جاوید سے)خاتون خانہ کے گھر سے لاکھوں روپے مالیت کے طلائی زیورات چوری،تھانہ ساہوکا پولیس مقدمہ کے ملزمان سے ساز باز ہو گئی،ملزمان کو گرفتار کرنے کی بجائے مدعیہ پر ملزمان سے صلح کے لیے دباﺅ،ملزمان کو گرفتار کر کے مسروقہ مال برآمد کیا جائے خاتون کا ساتھیوں کے ہمراہ ڈی پی او وہاڑی سے مطالبہ،تفصیلات کے مطابق چک نمبر 307ای بی کی رہائشی غریب خاتون رسولاں بی بی نے اپنے بھائی ارشاد احمد،گاﺅں کے رہائشی مختار احمد بھٹی اور دیگر کے ہمراہ بتایا کہ 7روز قبل اس نے 12تولے طلائی زیورات جس کی مالیت تقریباً 6لاکھ روپے بنتی ہے چوری کا مقدمہ ملزمان کائنات عرف پٹھانی،بگھو بی بی،غلام مصطفی اور شان وغیرہ کے خلاف تھانہ ساہوکا میں درج کروایا جس کا تفتیشی محمد رفیق اے ایس آئی ہے جو انہیں ڈرا دھمکا رہا ہے کہ مقدمہ کے سب ملزمان سے صلح کر لو ورنہ وہ یہ چوری کا پرچہ خارج کر دے گا حالانکہ ملزمان نے بورے والا میں جس سنیارے کو چوری کا زیور فروخت کیا اس نے تحریری طور پر بھی رسید برائے ثبوت لکھ کر دی کہ زیور اس نے خرید کیا ہے مگر اسے یہ علم نہ تھا کہ یہ زیور چوری کا ہے مقدمہ نمبر409/17 بجرم 380 کے تفتیشی محمد رفیق کو ملزمان کے خلاف تمام ٹھوس ثبوت بھی تحریری اور زبانی طور پر گزارے ہیں مگر تفتیشی افسر ملزمان سے رشوت لے کر ان سے ساز باز ہو چکا ہے انہوں نے ڈی پی او وہاڑی عمر سعید ملک اور ایس ڈی پی او بورے والا ملک طاہر مجید سے مطالبہ کیا ہے کہ پولیس ان کے تمام ملزمان کو گرفتار کرے اور چوری کا مال برآمد کرے اور انہیں انصاف مہیا کیا جائے۔