حکومت پاکستان عوام اور خاص طور پر کاشتکاروں کا مزاق اڑانا بند کرے۔چوہدری اعجاز اسلم

بورے والا(چوہدری اصغر علی جاوید سے)پاکستان تحریک انصاف سپورٹس اینڈ کلچرل ونگ جنوبی پنجاب کے صدر چوہدری اعجاز اسلم نے کہا ہے کہ حکومت پاکستان عوام اور خاص طور پر کاشتکاروں کا مزاق اڑانا بند کرے،یوم قائد پر قائد کی روح کا رونا رونے والے نام نہاد خادم اعلیٰ کی حکمرانی میں آج پنجاب میں گنے کا کاشتکار اپنی ایک سال کی خون پسینے کی کمائی کے لٹ جانے پر نوحہ کناں ہے،180روپے من گنے کا ریٹ مقرر کرنے کے بعد 80سے 100روپے من گنا خرید کر کسانوں کا خون نچوڑا جا رہا ہے،شریف خاندان کی سرپرستی میں اس شوگر مافیا کے خلاف غریب کسان دہائی دے رہا ہے کہ ان لٹیروں سے ہمیں بچایا جائے،مجبور کسان اپنا گنا جلارہا ہے یا کوڑیوں کے بھاو بیچنے پر مجبور ہے،گنے کے خریداروں کے خلاف مقدمات کا لولی پوپ دے کر کسان کے جذبات سے کھیلا جا رہا ہے،25دسمبر کو قائد اعظم کو یاد کرنے والا حکمران خاندان ہوش کے ناخن لے،شہباز شریف جہاں دینی غیرت اور ملکی حمیت سے بے بہرہ ہیں وہاں وہ غریب کسان کی تکلیف سے بھی نا آشنا ہیں انکی اپنی شوگر ملیں 80روپے من گنا خرید کر کسان کا استحصال کر رہی ہیں اور آپ ووٹ کے استحصال کا رونا روتے پھرتے ہیں،انشاءاللہ 2018 کے الیکشن میں یہ مزدور اور کسان ان ظالم حکمرانوں کا احتساب کریں گے اور روزِ قیامت اللہ کے حضور بھی انکا گریبان پکڑیں گے،کسان بھائیوں کو چاہیئے کہ جہاں تک ممکن ہو سکے گڑ اور شکر بنا کر باعزت رزق کمانے کی کوشش کریں اور ان تکالیف کو 2018 میں اپنے ووٹ سے اپنی آواز اٹھائیں،ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا۔