دھند کے باعث چیچہ وطنی روڈ پر ٹریفک کا خوفناک حادثہ،حادثے میں دو موٹر سائیکل سوار حقیقی بھائی جاں بحق
بورے والا(چوہدری اصغر علی جاوید سے)دھند کے باعث چیچہ وطنی روڈ پر ٹریفک کا حادثہ، حادثے میں دو موٹر سائیکل سوار حقیقی بھائی جان سے ہاتھ دھو بیٹھے،تیز رفتار مسافر بس موٹر سائیکل سے ٹکرا کر الٹ گئی،پیچھے سے آنے والی دو نجی کالجز کی بسوں اور ایک ایمبولینس سمیت سات گاڑیاں بھی ایکدوسرے سے ٹکرا گئیں،تفصیلات کے مطابق اسلام آباد سے آنے والی سکائی ویز کی مسافر بس نمبری 8767 /ایل ای ڈی چیچہ وطنی روڈ پر 431ای بی کے قریب پہنچی تو دھند اور تیز رفتاری کی وجہ سے سامنے جانے والے 419 ای بی کے رہائشی موٹر سائیکل سوار مقامی کالج کے طلباءدو حقیقی بھائیوں کو کچلتی ہوئی الٹ گئی جس سے اسکے پیچھے آنے والی نجی کالجز کی طلباءوطالبات سے بھری دو بسوں اور ایک ایمبولینس سمیت سات گاڑیاں بھی بے قابو ہو کر ایکدوسرے سے ٹکرا گئیں جس کے نتیجہ میں موٹر سائیکل سوار دونوں حقیقی بھائی امتیاز اقبال اور کاشف اقبال موقع پر ہی دم توڑ گئے حادثہ کی اطلاع ملتے ہی ریسکیو 1122 کی گاڑیاں موقع پر پہنچیں جنہوں نے نعشوں اور زخمیوں کو تحصیل ہیڈ کوارٹر ہسپتال بورے والا منتقل کر دیا گیا زخمیوں میں تحریم،آسیہ بی بی،اخلاق احمد،اسکا بیٹا دانش اخلاق،مہہ نور،آسیہ نسیم، رضوان علی،نمرہ،عائشہ،محمد تنزیل،محمد ساجد،رمشائ،مریم بی بی اور سجاد احمد شامل ہیں ان میں سے دو زخمیوں کو تشویشناک حالت میں نشتر ہسپتال ملتان منتقل کر دیا گیا ڈپٹی کمشنر وہاڑی علی اکبر بھٹی،اسسٹنٹ کمشنر راﺅ تسلیم اختر،ڈی ایس پی طاہر مجید ملک،ایم ایس ڈاکٹر امجد شکیل اور ڈپٹی ایم ایس ڈاکٹر محمد عمران بھٹی بھی فوری طور پر ٹی ایچ کیو ہسپتال پہنچ گئے اور زخمیوں کو طبی امداد کے لئے تمام ڈاکٹرز اور پیرامیڈیکل سٹاف کو طلب کر لیا ڈپٹی کمشنر نے زخمیوں کو ہر ممکن طبی امداد اور انکے مکمل علاج و معالجہ کی ہدایات جاری کیں۔
About Author
