دنیا میں سب سے خوبصورت اور میٹھا لفظ ماں ہے۔صائمہ بتول ممبر سول سوسائٹی
بورے والا(چوہدری اصغر علی جاوید سے)سول سوسائٹی نیٹ ورک کی ممبر و سدھار ڈویلپمنٹ آرگنائزیشن کی چئیر پرسن صائمہ بتول نے کہا ہے کہ دنیا میں سب سے خوبصورت اور میٹھا لفظ ماں ہے،ماں کی گود میں سر رکھ کر باتیں کرنے اور سونے میں جو سکون ملتا ہے وہ دنیا کے قیمتی ترین بستر پر بھی نصیب نہیں ہو سکتا ماں کی خدمت کو شعار بنانے والے دنیا و آخرت میں سرخرو ہوتے ہیں ماں کا رشتہ قدرت کا انمول تحفہ ہے ماں کے رشتے کا دنیا میں کوئی نعم البدل نہیں ماں سے محبت کا اظہار کسی دن کا محتاج نہیں ماں کی محبت انسان کو ناممکن کو ممکن کر دینے کے قابل بناتی ہے قوم ان ماؤں کی مقروض ہے جن کے بیٹے وطن عزیز کے وقار اور تحفظ کے لیے شہید ہوئے،ان خیالات کا اظہار انہوں نے ماں کے عالمی دن کے موقع پر میڈیا سے گفتگو کرتے ہوئے کیا سدھار ڈویلپمنٹ آرگنائزیشن کی چئیر پرسن صائمہ بتول نے کہا کہ فلسطین و مقبوضہ جموں و کشمیر میں ماو¿ں کی آنکھوں کے سامنے ہزاروں بچوں کا قتل عام دنیا کے جدید اصولوں اور عالمی انسانی حقوق کے منافی ہے دنیا اور آخرت کی کامیابیاں اور کامرانیاں ماں جیسے عظیم رشتے کی مرہون منت ہے سال کا ایک دن ہی نہیں بلکہ زندگی کا ہر دن ماں کا ہے دل سے دعا ہے کہ اللہ تعالیٰ تمام ماؤں کو ہمیشہ سلامت رکھے۔
About Author
