قرآن مجید کی تلاوت اور پڑھنے کے ساتھ ساتھ اس پر عمل اشد ضروری ہے۔ڈاکٹر سرفراز اعوان

بورے والا(چوہدری اصغر علی جاوید سے)ممتاز عالم دین(ر) پروفیسر پنجاب یونیورسٹی ڈاکٹر سرفراز احمد اعوان نے کہا ہے کہ قرآن مجید کی تلاوت اور اسے پڑھنے کے ساتھ ساتھ اس میں غور و فکر اور اس پر عمل اشد ضروری ہے قرآن پاک مسجد اور مدرسہ کے علاوہ عدالت، مارکیٹ، پارلیمنٹ، تمام اداروں، اور تمام شعبہ ہائے زندگی میں ہدایت اور رہنمائی کرنے والی کتاب ہے ان خیالات کا اظہارانہوں نے مرکزی جامع مسجد ڈی بلاک بورے والا میں قائم مدرسہ دارالسلام کے زیرِ اہتمام منعقد ہونے والی سالانہ تقریب ختمِ قرآنِ کریم کے موقع خطاب کرتے ہوئے کیاتقریب کی صدارت بزرگ عالمِ دین صدر اسلامک ایجوکیشن بورڈ قاری محمد طیب حنفی مہتمم جامعہ حنفیہ نے کی تقریب سے عظیم مذہبی اسکالر مولانا قاری منصور احمد قادری نے خطاب کرتے ہوئے کہا کہ قرآن پاک دور نبوت سے آج تک اور اسی طرح ہمیشہ ہمیشہ کے لیے دنیاوی و اخروی تعمیر و ترقی کا واحد ذریعہ ہے تقریب معروف ثناءخوان مصطفی مولانا قاری شاہد عمران عارفی نے بارگاہِ رسالت مآب میں اپنے مخصوص انداز میں ہدیہ نعت پیش کیا اور خوبصورت سماں باندھا۔اس موقع پر خطیب جامعہ مسجد ڈی بلاک حافظ محمد یاسر راشدی کے علاوہ علاقہ بھر سے علماءکرام، سول سوسائٹی، صحافیوں، تاجر برادری سمیت دیگر شعبہ ہائے زندگی سے تعلق رکھنے والے نمائندہ افراد کی بڑی تعداد نے شرکت کی تقریب کے آخر میں قرآن پاک حفظ مکمل کرنے والے طلبہ کی دستار بندی کی گئی اور اسناد تقسیم کی گئیں۔