سانحہ 9 مئی کے خلاف پاک فوج کے حق میں تاجروں،سول سوسائٹی اور شہریوں کی ریلی
بورے والا(چوہدری اصغر علی جاوید سے)سانحہ 9 مئی کے خلاف پاک فوج اور دیگر سیکورٹی اداروں کے حق میں تاجروں،سول سوسائٹی،آڑھتیوں اور دیگر نمائندہ شہریوں نے ریلی نکالی،پاکستان اور پاک فوج کے حق میں نعرے بازی بھی کی گئی،تفصیلات کے مطابق سانحہ9 مئی کے خلاف بورے والا میں بھی مرکزی انجمن تاجران کے صدر چوہدری محمد صغیر رامے،صدر انجمن آڑھتیاں غلہ منڈی چوہدری احتشام داﺅد اور سول سوسائٹی نیٹ ورک کے چیف آرگنائزر شیخ شاہ رخ کی قیادت میں احتجاجی ریلی نکالی گئی ریلی کے شرکاءنے بینرز اٹھا رکھے تھے جن پر سانحہ 9 مئی کی مزمت کی گئی تھی ریلی گول چوک سے شروع ہوکر پریس کلب کے سامنے آ کر اختتام پذیر ہوئی ریلی کے شرکاءکا کہنا تھا کہ 9 مئی کا واقعہ ملکی تاریخ کا سیاہ ترین اقدام تھا اس دن جن لوگوں نے ملکی اداروں اور املاک کو جلایا اور توڑ پھوڑ کی وہ ملک دشمن ہیں جنہیں قرار واقعی سزا دی جائے ملکی ادارے خصوصاََ پاک فوج اس ملک کی سالمیت کی ضامن ہے فوجی تنصیبات پر حملہ کرنے والے ملک دشمن ہی ہو سکتے ہیں اس ریلی میں چیئرمین انجمن تاجران چاچا محمد اسلم،سینئر نائب صدر راﺅ نور محمد،نائب صدر عثمان جمیل بھٹی،ضلعی صدر مسلم لیگ(ن) یوتھ ونگ منظور برکت ماڑی والا،سول سوسائٹی کے سیکرٹری کوارڈینیشن سید زاہد حسین مشہدی،سابق کونسلریونس الہی طور اور دیگر نمائندہ افراد نے بھی شرکت کی۔
About Author
