پنجاب کالج کینال کیمپس میں سالانہ تقریب تقسیم انعامات،طلباء و طالبات میں انعامات تقسیم

بورے والا(چوہدری اصغر علی جاوید سے)پنجاب کالج کینال کیمپس میں سالانہ تقریب تقسیم انعامات،پوزیشن ہولڈر طلباء و طالبات میں کیش اور دیگر انعامات تقسیم،ملی نغموں میں طلباء و طالبات کی زبردست پروفارمنس،تفصیلات کے مطابق پنجاب کالج کینال کیمپس میں سالانہ تقریب تقسیم انعامات کا انعقاد کیا گیا تقریب کے مہمان خصوصی سابق ڈائریکٹر کالجز ملتان ڈویژن پروفیسر احمر روف بھٹی تھے جبکہ مہمانان اعزاز میں ممتاز ماہر تعلیم ڈائریکٹر مریم گرلز کالج پروفیسر جاوید اقبال،(ر)ڈپٹی ڈائیریکٹر کالجز پروفیسر رانا محمد صفدر،پرنسپل گورنمنٹ گریجوایٹ کالج پروفیسر ڈاکٹر محمد اکرم بھٹی،چیئرمین بورے والا میڈیکل کمپلیکس ڈاکٹر حفیظ میاں اور پروفیسر سید محمد اظہر شاہ تھے تقریب میں ڈائریکٹر پنجاب کالج پروفیسر مجید اکبر،پرنسپل پنجاب کالج وہاڑی پروفیسر خالد محمود مرزا،پرنسپل پنجاب کالج بورے والاایاز مشتاق،وائس پرنسپلز پروفیسر محمد شفیق،مس سبین رفیق،کنونیئر سول سوسائٹی نیٹ ورک عبدالرﺅف چوہدری،سنیئر ممبر سول سوسائٹی زاہد حسین مشہدی،سینئر صحافی اصغر علی جاوید(کامریڈ)،صدر پریس کلب چوہدری اصغر جاوید اور دیگر شخصیات بھی موجود تھیں تقریب میں بورڈ کے امتحانات میں نمایاں پوزیشن حاصل کرنے والے طلباءو طالبات میں کیش پرائز اور شیلڈز تقسیم کی گئیں تقرہب سے خطاب کرتے ہوئے مہمان خصوصی سابق ڈائریکٹر کالجز ملتان ڈویژن پروفیسر احمر روف بھٹی نے کہا کہ جو تعلیمی ادارے جدید تعلیم کے فروغ اور بچوں کی صحیح خطوط پر تعلیم و تربیت کرتے ہیں وہ قابل ستائش ہیں پنجاب کالج نے نجی شعبہ میں نئی نسل کو جدید اعلی تعلیم کے حصول کے جو مواقع فراہم کئے ہیں انکے دورس نتائج برآمد ہونگے اور ملکی تعلیمی ترقی میں سنگ میل ثابت ہو گا ڈائریکٹر پنجاب کالج پروفیسر مجید اکبر نے کہا کہ ہماری ہمیشہ کوشش رہی ہے کہ ناصرف معیاری تعلیم کی فراہمی یقینی بنائیں بلکہ طلباءو طالبات کی ہر حوالہ سے تربیت کو اولین ترجیح دی ہے اور آئندہ بھی اس روایت کو برقرار رکھیں گے۔