گیس کا بل ادا کرنے کے باوجود جھگڑا،دو بھائیوں نے فائرنگ کر کے محنت کش کی جان لے لی
بورے والا(چوہدری اصغر علی جاوید سے)گیس کا مشترکہ بھاری بل ادا کرنے پر ہمسایوں سے جھگڑا،دو بھائیوں نے فائرنگ کر کے محنت کش کی جان لے لی،مقتول کے بھائی نے نصف بل ادا کر دیا لیکن ملزمان مزید رقم کیلئے جان لینے پر اتر آئے،ماڈل ٹاؤن پولیس نے کاروائی شروع کر دی،تفصیلات کے مطابق نواحی آبادی معصوم شاہ کالونی میں محنت کش نذیر احمد نے ہمسایوں سے گیس کا کنکشن لے رکھا تھا اور عرصہ سے نصف بل ادا کرتے آ رہے تھے گزشتہ ماہ کا بل آنے پر میٹر مالک کے بیٹے بلال عرف بھالو نے ہمسایوں سے بل دکھائے بغیر 18 ہزار روپے کا تقاضا کر دیا بیچارے محنت کش نذیر نے 9 ہزار روپے ادا کر دیئے لیکن بلال بل کی پوری رقم کا تقاضا کرتے ہوئے دھمکیوں پر اتر آیا محنت کش کے گھر جا کر سنگین نتائج کی دھمکیاں دیں نذیر کا بیٹا محمد نعیم جو محنت مزدوری کرتا تھا اس نے بلال سے کہا کہ ہم باقی رقم بھی ایک دو ماہ میں دے دیں گے لیکن بلال باز نہ آیا اور اپنے بھائی مصور کے ہمراہ اسے گلی میں فائرنگ کر کے ڈھیر کر دیا خون میں لت پت نعیم پر ملزم مصور ڈنڈوں سے تشدد بھی کرتا رہا خون زیادہ بہہ جانے سے نعیم کو تشویشناک حالت میں ساہیوال منتقل کیا گیا مگر وہ جان کی بازی ہار گیا وقوعہ کی اطلاع ملتے ہی ڈی ایس پی ظفر اقبال ڈوگر نے ملزمان کی فوری گرفتاری کیلئے ٹیمیں روانہ کر دیں اور ہسپتال میں مقتول کے ورثاء کو انصاف کی مکمل فراہمی کی یقین دہانی کروائی۔
About Author
